م*محنت کش طبقہ ملک کی معاشی ترقی میں کلیدی کردار ادا کرتا ہی: سردار سلیم حیدر خان

۹گورنر پنجاب سردار سلیم حیدر خان سے ثمینہ خالد گھرکی اور چیئرمین رکشہ یونین مجید غوری کی وفد کے ہمراہ ملاقات

پیر 15 ستمبر 2025 20:10

لاہور (اُردو پوائنٹ اخبارتازہ ترین - آن لائن۔ 15 ستمبر2025ء) گورنر پنجاب سردار سلیم حیدر خان سے ثمینہ خالد گھرکی اور چیئرمین رکشہ یونین مجید غوری نے ایک وفد کے ہمراہ گورنر ہاؤس لاہور میں ملاقات کی۔ ملاقات میں کارکنوں کو درپیش مسائل کے حل کے حوالے سے تبادلہ خیال کیا گیا۔ اس موقع پر گورنر پنجاب سردار سلیم حیدر خان نے کہا کہ محنت کش طبقہ ملک کی معاشی ترقی میں کلیدی کردار ادا کرتا ہے۔

انہوں نے کہا کہ محنت کش طبقے کو حقوق دیے بغیر پائیدار معاشی اور سماجی ترقی کے اہداف حاصل نہیں کیے جا سکتے۔ گورنر پنجاب نے کہا کہ پیپلز پارٹی نے اپنے دور حکومت میں ہمیشہ مزدوروں کی فلاح و بہبود کے لیے اقدامات کیے ہیں اور ان کی اجرتوں میں اضافہ کیا ہے۔ انہوں نے مزید کہا کہ کارکنوں کے مسائل کے حل کے لیے ہر ممکن تعاون کیا جائے گا۔

(جاری ہے)

گورنر پنجاب نے کہا کہ گورنر ہاؤس کے دروازے مزدوروں کے لیے ہمیشہ کھلے ہیں۔

انہوں نے کہا کہ ملک و قوم کی ترقی کے عمل میں ہم سب کو مل کر اپنا بھرپور کردار ادا کرنا ہوگا۔ ثمینہ خالد گھرکی نے کہا کہ صدر پاکستان آصف علی زرداری اور بلاول بھٹو نے ہمیشہ مزدوروں کے حقوق کی بات کی۔ چیئرمین رکشہ یونین مجید غوری نے کہا کہ پیپلز پارٹی کارکنوں کی جماعت ہے اور صرف پیپلز پارٹی ہی عام آدمی کے مسائل کی بات کرتی ہے۔ اجلاس میں چوہدری منظور، رانا اشعر، ناہید اور رکشہ یونین کے مختلف عہدیداران نے شرکت کی