سیکورٹی فورسز کے جوانوں کی شہادتوں و قربانیوں کی بدولت بہت جلد بلوچستان میں امن قائم ہوگا،امین الدین بازئی ایڈؤوکیٹ

بدھ 17 ستمبر 2025 20:15

کوئٹہ(اُردو پوائنٹ اخبارتازہ ترین - این این آئی۔ 17 ستمبر2025ء)سپریم کورٹ آف پاکستان کے سنئیر وکیل سابق ایڈیشنل ایڈوکیٹ جنرل امین الدین بازئی ایڈووکیٹ نے تربت میں جام شہادت نوش کرنے والے کیپٹن وقار احمد کاکڑ اور شہدائکو خراج عقیدت پیش کرتے ہوئے کہا کہ شہداء نے وطن کے دفاع میں اپنی جانوں کا نذرانہ پیش کرکے دہشتگروں کے عزائم کو خاک میں ملا دیا ہے،پاک فوج کے شہداء کی قربانیاں رائیگاں نہیں جائیگی ،مسلح افواج کے افسروں اورجوانوں نے اپنی قرباینوں سے ایک نئی تاریخ رقم کی ہے پوری قوم شہداء ان کے اہلخانہ اور عزیز و اقارب کی قربانیوں کی مقروض ہے،اپنے بیان میں سینئر وکیل سپریم کورٹ آف پاکستان سابق ایڈیشنل ایڈوکیٹ جنرل امین الدین بازئی ایڈوکیٹ نے کہا کہ پاک فوج کے جوانوں کی بہادری اور قربانیوں کی بدولت بہت جلد بلوچستان میں امن کا بول بالا ہوگا کیونکہ دہشتگردی کے خلاف جنگ میں قوم اور فورسز یکجا ہیں۔

(جاری ہے)

امین الدین بازئی ایڈوکیٹ نے کیپٹن وقار احمد کاکڑ اور دیگر شہداء کی درجات کی بلندی کی دعا کرتے ہوئے سوگوار خاندانوں سے اظہار تعزیت وہمدردی کا اظہار کیا۔