Live Updates

اینڈی پائی کرافٹ کا ریٹائر نہ ہونا ثابت کرتا ہے کتنا چہیتا اور لاڈلہ ہے‘سعید اجمل

جمعرات 18 ستمبر 2025 17:13

کراچی (اُردو پوائنٹ اخبارتازہ ترین - این این آئی۔ 18 ستمبر2025ء)پاکستان کے سابق اسپنر سعید اجمل کا کہنا ہے کہ اینڈی پائی کرافٹ کا اب تک ریٹائر نہ ہونا ثابت کرتا ہے کہ کتنا چہیتا اور لاڈلہ ہے۔نجی ٹی وی پروگرام میں گفتگو کرتے ہوئے سابق کرکٹر سعید اجمل نے کہا کہ بھارت نے کوئی بھی تنازع کھڑا کرنا ہوتا ہے تو پائی کرافٹ کو ریفری لگا دیا جاتا ہے۔

انہوں نے کہا کہ سب ریٹائرڈ ہوگئے لیکن میچ ریفری اینڈی پائی کرافٹ اب تک موجود ہے، بھارت کے پاکستان کے خلاف 90 میچوں میں یہی میچ ریفری رہا ہے۔سعید اجمل نے کہا کہ اندازہ لگائیں اینڈی پائی کرافٹ کو بھارت کیوں مخصوص طور پر لگاتا ہے، پی سی بی کے اقدام سے پاکستان کی فتح ہوئی ہے آئندہ کوئی دھاندلی نہیں ہوسکے گی۔سابق کرکٹر نے کہا کہ آج اگر خاموشی اختیار کرلی جاتی تو آئندہ بھی ایسے رویے جارہے رہتے۔

(جاری ہے)

دوسری جانب یاسر حمید نے کہا کہ کرکٹ کو کھیل ہی رہنے دیں سیاست نہ کریں، پاکستان نے آج اسپورٹس مین اسپرٹ کا مظاہرہ کیا ہے، پی سی بی نے زبردست اسٹینڈ لیا جس پر کامیابی بھی ملی ہے۔انہوں نے کہا کہ بھارت کی جانب سے ہمیشہ کھیل میں سیاست کو گھسیٹا جاتا ہے، بھارتی کپتان کے خلاف سیاسی گفتگو کرنے پر کارروائی ہونی چاہیے، انہوں نے کوڈ آف کنڈکٹ کی خلاف ورزی کی ہے۔