ایف آئی اے کمرشل بینکنگ سرکل کوئٹہ کی کارروائی ،حوالہ ہنڈی ،غیر قانونی ایکسچینج میں ملوث ملزم گرفتار ،ایرانی کرنسی برآمد

جمعرات 18 ستمبر 2025 18:09

کوئٹہ(اُردو پوائنٹ اخبارتازہ ترین - این این آئی۔ 18 ستمبر2025ء)ایف آئی اے کمرشل بینکنگ سرکل کوئٹہ نے کارروائی کرتے ہوئے حوالہ ہنڈی اور غیر قانونی ایکسچینج میں ملوث ملزم کو گرفتار کرکے ایرانی کرنسی برآمد کرلی۔ ایف آئی اے بلوچستان کے ترجمان کے مطابق ڈی جی ایف آئی اے رفعت مختار راجہ کی ہدایت پر حوالہ ہنڈی اور غیر قانونی کرنسی ایکسچینج میں ملوث ملزمان کے خلاف کریک ڈاون جاری ہے ایف آئی اے کمرشل بینکنگ سرکل کوئٹہ نے کاروائی کرتے ہوئے حوالہ ہنڈی میں ملوث ملزم موسی خان کوئٹہ سے گرفتار کرکے اسکے قبضے سے 13.5 ملین ایرانی ریال برآمدکرلئے۔

ترجمان نے بتایا کہ گرفتار ملزم سے موبائل فون اور غیر قانونی ایکسچینج سے متعلق ریکارڈ بھی برآمدہواہے ملزم بغیر لائسنس غیر قانونی کرنسی ایکسچینج کا کاروبار کر رہا تھاملزم کو گرفتار کر کے تفتیش شروع کر دی گئیملزم کے دیگر ساتھیوں کی گرفتاری کے لئے چھاپے مارے جا رہے ہیں۔

(جاری ہے)

ترجمان نے کہا کہ حوالہ ہنڈی اور غیر قانونی ایکسچینج میں ملوث عناصر کے خلاف کریک ڈاون جاری ہے رواں سال کے دوران ایف آئی اے بلوچستان زون نے حوالہ ہنڈی میں ملوث ملزمان کے خلاف 67 مقدمات درج کئے چھاپہ مار کاروائیوں میں حوالہ ہنڈی اور غیر قانونی کرنسی ایکسچینج میں ملوث 85 ملزمان کو گرفتار کیا گیا۔

ترجمان نے کہا کہرواں سال کے دوران حوالہ ہنڈی اور غیر قانونی کرنسی ایکسچینج میں ملوث ملزمان سے 12747 امریکی ڈالر ، 16 کروڑ 54 لاکھ روپے مالیت کی دیگر غیر ملکی کرنسی بھی برآمد ہوئی ہے ۔ترجمان نے کہا کہ ملز مان سے 3 کروڑ 41 لاکھ روپے سے زائد پاکستانی روپے بھی برآمد ہوئے۔