پشاور ہائیکورٹ، پولیس کیخلاف خواجہ سرائوں کی درخواست پر آئی جی خیبر پختونخوا سے رپورٹ طلب

ہفتہ 20 ستمبر 2025 02:55

پشاور (اُردو پوائنٹ اخبارتازہ ترین - این این آئی۔ 20 ستمبر2025ء)پشاور ہائیکورٹ نے پولیس کیخلاف خواجہ سرائوں کی درخواست پر آئی جی خیبر پختونخوا سے 14دن میں رپورٹ طلب کرلی۔جمعہ کو درخواست پر سماعت جسٹس سید ارشد علی اور جسٹس فہیم ولی پر مشتمل ڈویژن بینچ نے کی۔ وکیل درخواست گزار نے عدالت میں بتایا کہ صوبے بھر کے خواجہ سرائوں کے ساتھ پولیس کا رویہ ٹھیک نہیں ہے۔

(جاری ہے)

وکیل درخواست گزار نے کہا کہ خواجہ سرا بھی اس ملک کے شہری ہیں ان کے بھی بنیادی حقوق ہیں، پولیس خواجہ سرائوں کے خلاف کارروائی کررہی ہے اور ان کو بے جا تنگ کیا جارہا ہے۔وکیل درخواست گزار نے کہا کہ صوابی اور پشاور سے خواجہ سرائوں کو ضلع بدر کیا جارہا ہے، خواجہ سراں کا قتل ہورہا ہے، پولیس تحفظ دینے میں بھی ناکام ہوئی ہے۔عدالت نے آئی جی پولیس سے رپورٹ طلب کرتے ہوئے سماعت ملتوی کردی۔