اداکاریوسف خان کی 16 ویں برسی منائی گئی

ہفتہ 20 ستمبر 2025 15:56

لاہور (اُردو پوائنٹ اخبارتازہ ترین - اے پی پی۔ 20 ستمبر2025ء) نامور اداکار یوسف خان کی 16 ویں برسی 20 ستمبر کو منائی گئی۔اداکار یوسف خان 10 اگست 1931 کو مشرقی پنجاب کے شہر فیروز پور میں پیدا ہوئے،انہوں نے 1954 میں فلم ’’پرواز ‘‘سے اپنے فلمی کیریئر کا آغاز کیا اور متعدد فلموں میں یادگار کردار نبھائے، فلم پر واز میں مشہور اداکارہ صبیحہ خانم ان کی ہیروئن کے روپ میں جلوہ گر ہوئیں، یوسف خان نے اردو اور پنجابی فلموں میں اپنے کرداروں کو اس طرح نبھایا کہ وہ پاکستان کے نامور اور پائے کے اداکار ثابت ہوئے۔

(جاری ہے)

انہوں نے مجرم، حسرت، بھروسہ، فیصلہ اور نیا دور جیسی اردو فلموں میں اپنی صلاحیتوں کالوہا منوایا جبکہ 1962 میں فلم پہاڑن سے پنجابی فلموں میں اداکاری کا آغاز کیا،ملنگی، یارانہ، بائو جی، ضدی، وارنٹ، ہتھکڑی، جگنی، شریف بدمعاش، قسمت، جبرو، خطرناک، حیدر خاں اور بڈھا گجر ان کی سرفہرست فلمیں شامل ہیں۔ اداکاریوسف خان کو حکومت پاکستان نے صدارتی ایوارڈ تمغہ برائے حسن کارکردگی سمیت کئی ایوارڈز سے نوازا۔ لیجنڈ اداکار یوسف خان 20 ستمبر 2009 کو لاہور میں اپنے خالق حقیقی سے جا ملے ۔

Facebook Twitter Google + Share on Whatsapp

اداکاریوسف خان کی 16 ویں برسی منائی گئی

متعلقہ عنوان :

مزید فن و فنکار کی خبریں