پنجاب پولیس پبلک سروس ڈلیوری، ٹریفک قوانین پر عملدرآمد یقینی بنانے کے لئے مصروف عمل

رواں سال کے دوران 59 لاکھ 18 ہزار سے زائد افراد کو ڈرائیونگ لائسنس جاری کیے گئے‘ترجمان پنجاب پولیس

اتوار 21 ستمبر 2025 17:40

لاہور(اُردو پوائنٹ اخبارتازہ ترین - این این آئی۔ 21 ستمبر2025ء)پنجاب پولیس پبلک سروس ڈلیوری اور ٹریفک قوانین پر عملدرآمد یقینی بنانے کے لئے مصروف عمل ہے جس کے تسلسل میں رواں سال کے دوران 59 لاکھ 18 ہزار سے زائد افراد کو ڈرائیونگ لائسنس جاری کیے گئے۔ ترجمان پنجاب پولیس نے بتایا کہ ٹریفک قوانین کی خلاف ورزی پر 89 لاکھ 24 ہزار سے زائد چالان اور 05 ارب 64 کروڑ روپے سے زائد جرمانہ عائد کیا گیا۔

(جاری ہے)

دھواں چھوڑنے والی 2 لاکھ 58 ہزار گاڑیوں کے چالان، 22 ہزار 895 کو تھانوں میں بند کیا گیا جبکہ 253 کے فٹنس سرٹیفکیٹ ضبط کیے گئے۔آئی جی پنجاب نے کہا کہ ٹریفک قوانین کی خلاف ورزی کرنے والوں کے خلاف کاروائیاں جاری رکھی جائیں۔ اوور لوڈنگ، اوور سپیڈنگ، کم عمر ڈرائیورز اور ون وے کی خلاف ورزی کرنے والوں کے خلاف کریک ڈان میں مزید تیزی لائی جائے۔ ڈاکٹر عثمان انور نے کہا کہ پنجاب پولیس کے 127 ڈرائیونگ ٹریننگ سکولز میں شہریوں کو ٹریننگ بھی دی جارہی ہے۔ انھوں نے مزید کہا کہ ٹریفک چالانوں کے نادہندگان سے ریکوری کے لئے مثر اقدامات کیے جائیں۔