ذ*امریکی ایچ ون-بی ویزا کی نئی فیس سے متعلق وائٹ ہاؤس نے وضاحت جاری کردی

اتوار 21 ستمبر 2025 18:20

ا*واشنگٹن (اُردو پوائنٹ اخبارتازہ ترین - آن لائن۔ 21 ستمبر2025ء)امریکی ایچ ون-بی ویزا کی نئی فیس سے متعلق وائٹ ہاؤس نے وضاحت جاری کردی۔وائٹ ہاؤس کی پریس سیکریٹری کیرولین لیوٹ نے اپنے ٹویٹ میں کہا کہ یہ سالانہ فیس نہیں بلکہ ایک مرتبہ جمع کرائی جانے والی رقم ہے جو صرف نئی پیٹیشن پر لاگو ہوگی،موجودہ ویزا ہولڈرز جتنی بار چاہیں امریکا چھوڑ کر دوبارہ داخل ہو سکتے ہیں، ان کے لیے کوئی اضافی فیس نہیں ہوگی۔

(جاری ہے)

ایک اعلیٰ امریکی عہدیدار نینام ظاہر نہ کرنے کی شرط پر بتایا کہ یہ فیس صرف ابتدائی درخواست پر لاگو ہوگی، موجودہ ویزا ہولڈرز یا تجدید کرنے والوں پر نہیں۔امریکا کی نئی ویزا پالیسی آج سے نافذ ہوگئی ہے،ہنرمندوں کیلئے ویزا فیس 1 لاکھ ڈالر مقرر کرنے سے بھارت سب سے زیادہ متاثر ہوگا،ہوم لینڈسیکیورٹی کے اعدادو شمار کیمطابق گزشتہ سال کل 3 لاکھ 99ہزار 395 ایچ ون بی ویزے جاری ہوئے،جن میں 2 لاکھ 83 ہزار 397بھارتی شہریوں کو دیے گئے،چین 46 ہزار 680 ویزوں کے ساتھ دوسرے نمبر پر تھا۔پاکستان سمیت دیگر ممالک کو ایک فیصد سے بھی کم ویزے ملتے ہیں لیکن ویزا فیس میں اضافے سے امریکا جانے کے خواہشمند تمام ہنرمند افراد متاثر ہونگے۔