وزیراعلی پنجاب جیل ریفارمز ایجنڈے پر عملدرآمد جاری

لاہور (اُردو پوائنٹ اخبارتازہ ترین - این این آئی۔ 24 ستمبر2025ء)محکمہ داخلہ پنجاب کی جانب سے وزیراعلی پنجاب جیل ریفارمز ایجنڈے پر عملدرآمد جاری ہے۔ محکمہ داخلہ نے پنجاب بھر کی جیلوں کیلئے جونیئر سائیکالوجسٹس کی تقرری کا نوٹیفکیشن جاری کر دیا۔ ترجمان محکمہ داخلہ پنجاب نے بتایا کہ 37 جونیئر سائیکالوجسٹس کی تعیناتی پنجاب پبلک سروس کمیشن کے زریعے عمل میں لائی گئی ہے۔

یہ ماہرین نفسیات تمام جیلوں میں قیدیوں کی ذہنی صحت کی جانچ کیساتھ انہیں معاشرے کا مثبت حصہ بنانے پر کام کریں گے۔ محکمہ داخلہ پنجاب کے جاری کردہ نوٹیفیکیشن کے مطابق محمد عمیر خان کو سینٹرل جیل میانوالی میں بطور جونیئر سائیکالوجسٹ تعینات کیا گیا۔ اسی طرح آمنہ سرور ڈسٹرکٹ جیل لاہور، مہرین خان سینٹرل جیل لاہور، وجیہہ جہانگیر ڈسٹرکٹ جیل فیصل آباد، عائشہ منظور ڈسٹرکٹ جیل سرگودھا، نورالہدی سینٹرل جیل فیصل آباد، ماریہ ظہور سینٹرل جیل ملتان، قر العین ڈسٹرکٹ جیل شاہ پور، سعدیہ شریف ڈسٹرکٹ جیل شیخوپورہ، محمد عدیل سرور ڈسٹرکٹ جیل پاکپتن، کائنات خالد سینٹرل جیل گوجرانوالہ، رمشہ ناصر ڈسٹرکٹ جیل قصور، شاہدہ پروین ہائی سکیورٹی پریزن میانوالی، رابعہ خان ڈسٹرکٹ جیل حافظ آباد، حیا منور خان سینٹرل جیل بہاولپور، حفصہ الطاف ڈسٹرکٹ جیل سیالکوٹ، محمد مہران خان ڈسٹرکٹ جیل بھکر، حرا مشتاق ڈسٹرکٹ جیل لودھراں، حافظہ ردا زہرا ڈسٹرکٹ جیل ٹوبہ ٹیک سنگھ، حافظہ مسکان طاہر ڈسٹرکٹ جیل جہلم، ہما فاطمہ جوینائل جیل بہاولپور، فاطمہ وحید سینٹرل جیل راولپنڈی، زوہا نعیم بٹ جوینائل جیل فیصل آباد، فائزہ احمد ڈسٹرکٹ جیل لیہ، فائزہ اکبر ڈسٹرکٹ جیل نارووال، سیدہ کرن فاطمہ ڈسٹرکٹ جیل گجرات، حمنہ فاطمہ ڈسٹرکٹ جیل اوکاڑہ، فرحت سلطان ڈسٹرکٹ جیل جھنگ، حافظہ عائشہ ارشد سینٹرل جیل ساہیوال، سحرش ہاشمی ڈسٹرکٹ جیل خانیوال، ارحم چوہدری سب جیل چکوال، فائزہ اسلم ہائی سکیورٹی پریزن ساہیوال، یسری یاسر ڈسٹرکٹ جیل منڈی بہاالدین، فاطمہ ریحان ویمن جیل ملتان، ردا خالد ڈسٹرکٹ جیل اٹک اور جسپال سنگھ کو ڈسٹرکٹ جیل ملتان میں تعینات کیا گیا ہے۔

(جاری ہے)

ترجمان نے بتایا کہ تمام افسران کو پری انڈکشن تربیتی پروگرام کیلئے آئی جیل خانہ جات دفتر سے منسلک کیا گیا ہے۔ تمام افسران ابتدائی تربیت کے فوری بعد اپنے تعیناتی کے مقام پر جوائن کریں گے۔