Live Updates

پاکستان اگر ’’ابھیشیک بچن‘‘ کو جلد آؤٹ کر لے تو یہ میچ جیت جائے گا، شعیب اختر کا’’دلچسپ ماسٹر پلان‘‘ بھارت میں وائرل

ابھیشیک بچن کا رد عمل بھی سامنے آگیا

ذیشان مہتاب ہفتہ 27 ستمبر 2025 10:43

پاکستان اگر ’’ابھیشیک بچن‘‘ کو جلد آؤٹ کر لے تو یہ میچ جیت جائے گا، ..

اسلام آباد (اردو پوائنٹ تازہ ترین اخبار ۔ 27 ستمبر 2025ء ) ایشیا کپ کے فائنل میں بھارت کے خلاف پاکستان کی کامیابی کے لیے شعیب اختر کا دلچسپ ’’ماسٹر پلان‘‘ سوشل میڈیا پر وائرل ہوگیا۔

قومی کرکٹ ٹیم کے سابق فاسٹ باؤلر نے غلطی سے کرکٹر ابھیشیک شرما کی بجائے بھارتی اداکار ابھیشیک بچن کا نام لے دیا۔

انہوں نے کہا کہ ’’اگر پاکستان ابھیشیک بچن کو جلد آؤٹ کر لے تو میچ اپنے حق میں کرسکتا ہے۔

‘‘

Literally 😂😂😂😂 pic.twitter.com/vP37Qubh90
— Dharma 🌺🕉 (@DharmaCalling) September 26, 2025

انہیں میزبان سمیت باقی پینل نے فوری طور پر درست کیا لیکن تب تک آن ایئر ہوئی یہ غلطی سوشل میڈیا پر تیزی سے وائرل ہوگئی۔

اس بیان پر ابھیشیک بچن نے کہا کہ ’’سر! پورے احترام کے ساتھ مجھے نہیں لگتا کہ پاکستان یہ بھی کر پائے گا حالانکہ میں کرکٹ کھیلنے میں اچھا بھی نہیں ہوں‘‘۔

(جاری ہے)

Sir, with all due respect… don’t think they’ll even manage that! And I’m not even good at playing cricket. 🙏🏽 https://t.co/kTy2FgB10j
— Abhishek 𝐁𝐚𝐜𝐡𝐜𝐡𝐚𝐧 (@juniorbachchan) September 26, 2025

ٹی ٹونٹی کرکٹ میں نمبر ون بیٹر ابھیشیک شرما جاری ایشیا کپ 2025ء میں شاندار فارم میں ہیں کیونکہ وہ چھ اننگز میں 51.50 کی شاندار اوسط اور 204.63 کے اسٹرائیک ریٹ کے ساتھ 309 رنز کے ساتھ سب سے زیادہ رنز بنانے والوں کی فہرست میں سرفہرست ہیں۔

ابھشیک شرما جنہوں نے سری لنکا کے خلاف دبئی انٹرنیشنل کرکٹ اسٹیڈیم میں ہندوستان کے آخری سپر فور میچ کے دوران تیز رفتار 61 رنز بنائے تھے، انہوں نے آج ٹی ٹونٹی ایشیا کپ کے ایک ایڈیشن میں سب سے زیادہ رنز بنانے کا رضوان کا ریکارڈ توڑ دیا۔

رضوان نے ٹورنامنٹ کے 2022ء ایڈیشن میں تین نصف سنچریوں کی مدد سے 56.20 کی اوسط سے 281 رنز بنا کر یہ ریکارڈ قائم کیا۔

ہندوستان کے بلے باز ویرات کوہلی جو ہندوستان کی آئی سی سی مینز ٹی ٹونٹی ورلڈ کپ 2024ء میں فتح کے بعد فارمیٹ سے دور ہوگئے تھے، 276 رنز کے ساتھ فہرست میں تیسرے نمبر پر ہیں۔

دائیں ہاتھ کے بلے باز نے 2022ء کے ٹی ٹونٹی ایشیا کپ کے ایڈیشن کے دوران یہ سنگ میل بھی حاصل کیا۔