پینتھرز کلب نے انٹر یونیورسٹی کلبز ٹین پن باؤلنگ چیمپئن شپ 2025 جیت لی

اتوار 28 ستمبر 2025 14:50

اسلام آباد (اُردو پوائنٹ اخبارتازہ ترین - اے پی پی۔ 28 ستمبر2025ء) پینتھرز کلب نے انٹر یونیورسٹی کلبز ٹین پن باؤلنگ چیمپئن شپ 2025 جیت لی۔ انٹر یونیورسٹی کلبز ٹین پن باؤلنگ چیمپئن شپ 2025 اسلام آباد کے لیزر سٹی باولنگ کلب میں منعقد ہوئی۔ پینتھرز کلب کی ٹیم نے فائنل میچ میں سکورپینز کلب کو 50 پنز کی برتری سے شکست دی۔ پینتھرز کلب کی ٹیم میں رانا افضل، مصطفیٰ، اویس، مریم اور آئمہ شامل تھی۔

جیتنے والی ٹیم کو گولڈ میڈلز کے ساتھ 25ہزار روپے نقد انعام دیا گیا ۔

(جاری ہے)

رنرز اپ ٹیم سکورپینز کلب میں جنید شفیق، سعد، مناہل اور عیشال شامل تھی رنرز اپ ٹیم کو سلور میڈلز دئیے گئے۔ مہمان خصوصی بریگیڈیئر (ر) عامر کیانی تھے جنہوں نے کھلاڑیوں میں انعامات تقسیم کئے۔ صدر پاکستان ٹین پن باؤلنگ فیڈریشن اعجاز الرحمٰن نے نوجوان کھلاڑیوں کی تربیت اور نیا ٹیلنٹ سامنے لانے کے لئے نچلی سطح پر چیمپئن شپس کے انعقاد کے عزم کا اظہار کیا۔ ان مقابلوں کا مقصد نوجوان لڑکوں، لڑکیوں کھلاڑیوں کو تیار کر کے قومی و بین الاقوامی سطح پر پاکستان کی نمائندگی کروانا ہے۔اس چیمپئن شپ میں یونیورسٹیوں کی دو لڑکیوں اور دو لڑکوں کھلاڑیوں پہ مشتمل کلب بنائے گئے۔