Live Updates

سیکرٹری بی سی سی آئی کا ٹرافی کے معاملے کو آئی سی سی میں اٹھانے کا فیصلہ

محسن نقوی حکومت پاکستان کے مرکزی لیڈر، وہ ٹرافی اور میڈلز اپنے ساتھ لے گئے، ہمیں امید ہے کہ بہت جلد ٹرافی میڈلز انڈیا کو واپس کیے جائیںگے : دیوا جیت سائیکیا

ذیشان مہتاب پیر 29 ستمبر 2025 11:35

سیکرٹری بی سی سی آئی کا ٹرافی کے معاملے کو آئی سی سی میں اٹھانے کا فیصلہ

نئی دہلی (اردو پوائنٹ تازہ ترین اخبار ۔ 29 ستمبر 2025ء ) پاکستان سے ایشیا کپ کا فائنل جیتنے والی بھارتی ٹیم کے لیے کروڑوں روپے کے انعامات کا اعلان کیا گیا ہے۔

بھارتی کرکٹ بورڈ کے سیکرٹری دیوا جیت سائیکیا نے میڈیا سے گفتگو کرتے ہوئے کہا کہ ایشیا کپ کی ٹرافی کے معاملے کو آئی سی سی میں اٹھانے کا فیصلہ کیا ہے، آئی سی سی کا اجلاس نومبر کے پہلے ہفتے میں دبئی میں ہو رہا ہے، ہم ایشین کرکٹ کونسل کے چئیرپرسن کے خلاف شدید احتجاج کریں گے۔

(جاری ہے)

دیوا جیت سائیکیا نے کہا کہ بھارتی بورڈ پہلے دن سے حکومتی پالیسی پر عملدر آمد کر رہا ہے ، ایشیا کپ ملٹی نیشنل ٹورنامنٹ ہے، ہم پاکستان سے باہمی سیریز نہیں کھیلتے۔

دیوا جیت سائیکیا نے کہا کہ پاکستان ٹیم کو ہرانے پر بھارتی ٹیم پر فخر ہے، ہم نے اے سی سی چئیرمین محسن نقوی سے ٹرافی نہ لینے کا فیصلہ کیا، محسن نقوی حکومت پاکستان کے مرکزی لیڈر ہیں، وہ ٹرافی اور میڈلز اپنے ساتھ لے گئے، ہمیں امید ہے کہ بہت جلد ٹرافی میڈلز انڈیا کو واپس کیے جائیں گے۔

سیکریٹری بھارتی کرکٹ بورڈ نے کہا کہ پاکستان کو کھیل کے میدان میں ہرانے پر بھارتی اسکواڈ کو 21 کروڑ روپے دینے کا اعلان کرتے ہیں۔