ڈاکٹر خالد مقبول صدیقی کا مرکزی شعبہ ایڈمن کے سید محمد نذر زیدی کے انتقال پر اظہار تعزیت

منگل 30 ستمبر 2025 17:45

کراچی(اُردو پوائنٹ اخبارتازہ ترین - این این آئی۔ 30 ستمبر2025ء)متحدہ قومی موومنٹ پاکستان کے چیئرمین و وفاقی وزیر برائے تعلیم ڈاکٹر خالد مقبول صدیقی کا مرکزی شعبہ ایڈمن کے ساتھی نیو کراچی کے رہائشی سید محمد نذر زیدی ابنِ سید محمد باقر زیدی کے انتقال پر گہرے دکھ اور افسوس کا اظہار کیا ہے۔

(جاری ہے)

چیئرمین ایم کیو ایم نے اپنے تعزیتی بیان میں کہا کہ مرحوم ایک نیک سیرت اور بااخلاق کارکن تھے مرحوم کی تنظیم کے لیے دی جانے والی قربانیوں ہمیشہ یاد رکھا جائے گا۔

مرحوم سید محمد نذر زیدی کا انتقال ان کے اہلِ خانہ اور عزیز و اقارب کے لیے بڑا صدمہ ہے۔ ایم کیو ایم پاکستان کی قیادت اور تمام کارکنان سوگوار خاندان کے غم میں برابر کے شریک ہیں۔ ڈاکٹر خالد مقبول صدیقی نے دعا کی کہ اللہ تعالی مرحوم کو جنت الفردوس میں اعلی مقام عطا فرمائے اور سوگواران کو صبر جمیل عطا کرے۔