بابر اعظم کا شمار دنیا کے مشکل ترین بیٹرز میں ہوتا ہے،کگیسو ربادا

منگل 30 ستمبر 2025 19:50

جوہانسبرگ (اُردو پوائنٹ اخبارتازہ ترین - این این آئی۔ 30 ستمبر2025ء)جنوبی افریقہ کے فاسٹ بولر کگیسو ربادا نے کہا ہے کہ بابر اعظم کا شمار دنیا کے مشکل ترین بیٹرز میں ہوتا ہے۔کگیسو ربادا نے حال ہی میں ایک پوڈکاسٹ میں بطور مہمان شرکت کی جہاں ان سے پوچھا گیا کہ اٴْنہیں اپنے کیریئر میں کن بیٹرز کے خلاف کھیلتے مشکل کا سامنا ہوا۔

(جاری ہے)

اٴْنہوں نے اس سوال کے جواب میں بتایا کہ بابر اعظم ایک چٹان ہیں اور خاص طور پر جب میچ پاکستان میں کھیلا جارہا ہو تو انہیں آئوٹ کرنا آسان نہیں ہوتا سوچنا پڑتا ہے کہ کیسے آئوٹ کیا جائی کگیسو ربادا نے کہا کہ انگلینڈ کے جو روٹ، آسٹریلیا کے اسٹیو اسمتھ، نیوزی لینڈ کے کین ولیمسن بھی چیلنجنگ بیٹرز ہیں۔

اٴْنہوں نے کہا کہ آسٹریلیا کے ڈیوڈ وارنر اپنے جارحانہ اور غیر روایتی انداز کی وجہ سے میرے لیے سب سے مشکل ترین بیٹر ہیں۔واضح رہے کہ فاسٹ بولر کگیسو ربادا نے 71 ٹیسٹ، 106 ون ڈے اور 70 ٹی 20 میچز میں جنوبی افریقہ کی نمائندگی کی ہے، انہوں نے تمام فارمیٹس میں اب تک 500 سے زائد وکٹیں حاصل کی ہیں۔