پی ایس بی ایتھلیٹکس فیڈریشن کیخلاف درخواست پر کل سماعت کریگی‘فیڈریشن کو بے ضابطگیوں پر پیش ہونے کی تنبہہ

جمعرات 2 اکتوبر 2025 22:55

اسلام آباد (اُردو پوائنٹ اخبارتازہ ترین - آن لائن۔ 02 اکتوبر2025ء) پاکستان سپورٹس بورڈ کا ایڈجوڈی کیٹر ایتھلیٹکس فیڈریشن آف پاکستان کے انتخابات میں بے ضابطگیوں پر دائر درخواست پر کل (جمعہ) کو سماعت کرے گا۔

(جاری ہے)

سینیٹر پرویز رشید کی سربراہی میں ایڈجوڈی کیٹر نے درخواست دہندہ نیشنل ایسوسی ایشن آف ایتھلیٹکس ٹیکنیکل آفیشلز سمیت ایتھلیٹکس فیڈریشن کے عہدداران کو تمام ریکارڈ سمیت طلب کر رکھا ہے۔

درخواست میں موقف اختیار کیا گیا ہے کہ ایتھلیٹکس فیڈریشن کے انتخابات کے معاملے پرجنرل کونسل اجلاس میں آئینی خلاف ورزیاں اور بے ضابطگیاں کی ہیں جس کی تحقیقات کی جائے۔پی ایس بی کینوٹس میں واضح کیا گیا ہے کہ ایتھلیٹکس فیڈریشن کی جانب سے تحریری جواب داخل نہ کرنے یا پیش نہ ہونے کی صورت میں ریکارڈ کی بنیاد پر فیصلہ کیا جائے گا۔