لینڈ سلائیڈنگ کے باعث سرینگر جموں ہائی وے پر ٹریفک کی آمد ورفت معطل

شاہراہ سفر کے لیے غیر محفوظ ہے اور کلیئرنس آپریشن مکمل ہونے تک ہرقسم کی ٹریفک کیلئے بند رہے گی

منگل 7 اکتوبر 2025 14:59

سرینگر(اُردو پوائنٹ اخبارتازہ ترین - این این آئی۔ 07 اکتوبر2025ء) غیر قانونی طور پر بھارت کے زیر قبضہ جموں و کشمیر میں وادی کشمیر کو بیرونی دنیا سے ملانے والا واحد زمینی راستہ سرینگر-جموں ہائی وے متعدد مقامات پر لینڈ سلائیڈنگ کی وجہ سے کے بعد ٹریفک کی آمدورفت کے لیے بند ہو گئی ہے ۔ کشمیر میڈیا سروس کے مطابق قابض حکام نے میڈیا کو بتایاہے کہ شاہراہ سفر کے لیے غیر محفوظ ہے اور کلیئرنس آپریشن مکمل ہونے تک ہرقسم کی ٹریفک کیلئے بند رہے گی۔

(جاری ہے)

گزشتہ 24 گھنٹوں کے دوران مسلسل بارشوں کی وجہ سے متعدد مقامات پر لینڈ سلائیڈنگ ، مٹی کے تودے اور پتھر گرنے کے واقعات پیش آئے ہیں جس سے ٹریفک کی آمد ورفت متاثر ہو ئی ہے اور بہت سے گاڑیاں شاہراہ پر پھنس ہوئی ہیں۔ادھر مغل روڈ، سرینگر-سونامرگ-گمری روڈ، اور سنتھن ٹاپ بھی برفباری کی وجہ سے ٹریفک کی آمد ورفت کیلئے بند ہیں ۔قابض حکام نے مسافروں اور ٹرانسپورٹرز کو سختی سے ہدایت کی ہے کہ وہ ان شاہراہوں پر سفر سے گریز کریں ۔