صدرِمملکت کا ضلع اورکزئی میں جرات مندانہ کارروائی پر سکیورٹی فورسز کوخراج تحسین

بدھ 8 اکتوبر 2025 20:53

صدرِمملکت کا ضلع اورکزئی میں جرات مندانہ کارروائی پر سکیورٹی فورسز ..
اسلام آباد (اُردو پوائنٹ اخبارتازہ ترین - این این آئی۔ 08 اکتوبر2025ء) صدرمملکت آصف علی زرداری نیضلع اورکزئی میں جرت مندانہ کارروائی پر سکیورٹی فورسز کو خراج تحسین پیش کرتے ہوئے بھارتی حمایت یافتہ فتنہ خوارج کے 19 دہشتگردوں کے خاتمے پر اطمینان کا اظہارکیا ہے۔ بدھ کو ایوان صدر کے پریس ونگ سے جاری بیان کے مطابق صدرمملکت نے کہا کہ بہادر سپوتوں نے وطن کے دفاع میں اپنی جانوں کا نذرانہ دے کر لازوال مثال قائم کی ہے۔

(جاری ہے)

انہوں نے لیفٹیننٹ کرنل جنید طارق شہید، میجر طیب راحت اور دیگر شہداکو قوم کے ہیرو قرار دیتے ہوئے شہداکے اہلِ خانہ سے دلی ہمدردی کا اظہار کیا اور ان کے صبر و حوصلے کیلئے دعا کی۔ صدر مملکت نے کہا کہ شہداکی قربانیاں قوم کے عزم اور اتحاد کی علامت ہیں۔ انہوں نے پاکستان کی سرزمین سے بھارتی حمایت یافتہ دہشتگردی کے مکمل خاتمے کا عزم دہراتے ہوئے کہا کہ پوری قوم اپنی مسلح افواج کے ساتھ سیسہ پلائی دیوار بن کر کھڑی ہے۔