جونیئر ہاکی،پاکستان اور بھارت کی ٹیمیں منگل کو آمنے سامنے ہوں گی

جمعہ 10 اکتوبر 2025 13:30

جوہربارو(اُردو پوائنٹ اخبارتازہ ترین - این این آئی۔ 10 اکتوبر2025ء) سطان آف جوہر ہاکی کپ (آج) ہفتہ سے ملائیشیا کے شہر جوہر بارو میں شروع ہوگا۔اس ایونٹ میں اکیس سال تک کی عمر کے کھلاڑی شریک ہوں گے، پاکستان جونئیر ٹیم (آج)ہفتہ کواپنا افتتاحی میچ میزبان ملائیشیا سے کھیلے گی۔قومی جونئیر ٹیم نے ہاکی اسٹیڈیم جوہر بارو میں بھرپور پریکٹس سیشن کیا، ہیڈ کوچ کامران اشرف کی نگرانی میں مختلف ڈرلز کے ذریعے کھیل میں نکھارلانے کی کوشش کی گئی۔

(جاری ہے)

پاکستان اپنا دوسرامیچ اتوار کو انگلینڈ کے خلاف کھیلے گا، ایک دن آرام کے بعد پاکستان اور بھارت کی ٹیمیں منگل کو آمنے سامنے ہوں گی۔جونئیر ہاکی ٹیم کے کپتان حنان شاہد نے بتایا کہ اسلام آباد میں بھرپورکیمپ کے بعد میچ سے پہلے واحد پریکٹس سیشن میں چیزوں کوبہتر کرنے کی کوشش کی ہے، کسی بھی ٹورنامنٹ کا پہلا میچ بہت اہم ہوتا ہے، میزبان ملائیشیا اچھی ٹیم ہے، اس کے خلاف میچ جیت کر اپنے اعتماد میں اضافہ کرنا چاہتے ہیں۔