نائب وزیراعظم محمد اسحاق ڈار کی زیر صدارت اجلاس، مجموعی اقتصادی صورتحال کا جائزہ لیا گیا

جمعہ 10 اکتوبر 2025 17:55

اسلام آباد (اُردو پوائنٹ اخبارتازہ ترین - اے پی پی۔ 10 اکتوبر2025ء) نائب وزیراعظم اور وزیر خارجہ سینیٹر محمد اسحاق ڈار کی زیر صدارت اجلاس میں مجموعی اقتصادی صورتحال کا جائزہ لیا گیا۔

(جاری ہے)

نائب وزیراعظم کے آفس سے جمعہ کو جاری بیان کے مطابق اجلاس میں وفاقی وزیر خزانہ محمد اورنگزیب، وزیر مملکت برائے خزانہ بلال اظہر کیانی، وزیراعظم کے معاون خصوصی ایم طارق باجوہ، سیکرٹری خزانہ، چیئرمین ایف بی آر اور ان کی ٹیم نے شرکت کی۔

اجلاس میں فنانس اور ایف بی آر کی ٹیم نے مالی سال 26 کی پہلی سہ ماہی کے اعدادوشمار پیش کئے۔ شرکا کو آئی ایم ایف مشن کے ساتھ ہونے والی حالیہ بات چیت کے بارے میں بھی بریفنگ دی گئی۔ نائب وزیر اعظم اور وزیر خارجہ نے سیلاب سے پیدا ہونے والی رکاوٹوں کے باوجود معیشت کی کارکردگی پر اطمینان کا اظہار کیا۔