وزیراعلیٰ خیبر پختونخوا کا اپنے عہدے سے دست‌ نویس استعفیٰ باقاعدہ طور پر گورنر ہاؤس کو موصول

ہفتہ 11 اکتوبر 2025 18:29

پشاور (اُردو پوائنٹ اخبارتازہ ترین - اے پی پی۔ 11 اکتوبر2025ء) وزیراعلیٰ خیبر پختونخوا علی امین خان گنڈاپور کا اپنے عہدے سے دست‌ نویس استعفیٰ باقاعدہ طور پر گورنر ہاؤس کو موصول ہوگیا۔

(جاری ہے)

ترجمان گورنر ہاؤس خیبر پختونخوا کی جانب سے جاری بیان کے مطابق ہفتہ کو دوپہر 2 بج کر 30 منٹ پر وزیراعلیٰ خیبر پختونخوا کا اپنے عہدے سے دست‌ نویس استعفیٰ باقاعدہ طور پر گورنر ہاؤس کو موصول ہوا اور اس کی وصولی کی تصدیق بھی کر دی گئی ہے۔

ترجمان کے مطابق گورنر خیبر پختونخوا نے کہا ہے کہ آئینِ پاکستان اور متعلقہ قوانین کے مطابق استعفے کی جانچ پڑتال اور قانونی تقاضوں کی تکمیل کے بعد وزیراعلیٰ کا استعفیٰ آئینی طریقہ کار کے تحت عمل میں لایا جائے گا۔ گورنر خیبر پختونخوا نے کہا کہ گورنر ہاؤس تمام آئینی و قانونی تقاضوں کو مدنظر رکھتے ہوئے معاملے کو شفاف اور منظم انداز میں آگے بڑھائے گا۔