Live Updates

پاک افغان بارڈر پر افغانستان کی طرف سے بِلا اشتعال فائرنگ ،پاک فوج کا بھرپور اور شدید جواب

اتوار 12 اکتوبر 2025 00:20

راولپنڈی (اُردو پوائنٹ اخبارتازہ ترین - اے پی پی۔ 12 اکتوبر2025ء) افغان فورسز نے پاک افغان بارڈر پر انگور اڈا، باجوڑ، کرم،بے دیر، چترال، اور بارام چاہ (بلوچستان) کے مقامات پر بِلا اشتعال فائرنگ کی۔سیکورٹی ذرائع کے مطابق فائرنگ کا مقصد خوارج کی تشکیلوں کو بارڈر پار کروانا بھی تھا۔

(جاری ہے)

سیکیورٹی ذرائع کے مطابق پاکستان فوج کی چوکس اور مستعد پوسٹوں کی جانب سے تیزی کے ساتھ بھرپور اور شدید جواب دیا گیا ، پاک فوج نے فوری طور پر شدید رد عمل دیتے ہوئے متعدد افغانی پوسٹوں کو مؤثر طریقے سے نشانہ بنایا، پاکستان کی بروقت کارروائی سے افغانستان کی متعدد بارڈر پوسٹیں تباہ اور درجنوں افغان فوجی اور خارجی ہلاک ہوگئے۔

طالبان اپنی متعدد پوسٹیں چھوڑ کر فرار، لاشیں بکھری ہوئی ہیں۔سیکورٹی ذرائع کے مطابق افغانستان کی جانب سے یہ جارحیت اُس وقت کی جا رہی ہے جب افغان وزیر خارجہ ہندوستان کا دورہ کر رہا ہے۔