انجمن تاجران کمرشل مارکیٹ کے زیر اہتمام یوم شہدا کی تقریب پیر کو ہوگی،وفاقی وزیرمحمدحنیف عباسی بطور مہمان خصوصی شرکت کریں گے

اتوار 12 اکتوبر 2025 18:20

اسلام آباد (اُردو پوائنٹ اخبارتازہ ترین - اے پی پی۔ 12 اکتوبر2025ء) انجمن تاجران کمرشل مارکیٹ کے زیر اہتمام یوم شہدا کی تقریب کل پیر کو ہوگی ،وفاقی وزیر ریلوے محمد حنیف عباسی بطور مہمان خصوصی تقریب میں شرکت کریں گے۔ انجمن تاجران کمرشل مارکیٹ کے صدر صدر ملک سہیل اعوان ، سرپرست اعلی راجہ اسد حمید ، چیئرمین مشتاق مغل ، وائس چیئرمین حماد قریشی ، سینئر نائب صدر راجہ اسلم کیانی ، جنرل سیکرٹری راجہ ظفر یوسف نے کہا ہے کہ انجمن تاجران کمرشل مارکیٹ کے زیر اہتمام یومِ شہدا کل پیر کو شایانِ شان طریقے سے منایا جائے گا۔

انہوں نے کہا کہ تاجر برادری اپنے ان عظیم ہیروز کو خراجِ عقیدت پیش کرتی ہے جنہوں نے وطنِ عزیز کی خاطر اپنی جانوں کا نذرانہ پیش کیا۔ ان کی قربانیاں ہماری قومی تاریخ کا روشن باب ہیں ،انجمن تاجران نے اس موقع پر تمام دکانداروں اور شہریوں سے اپیل کی ہے کہ وہ شہدا کی قربانیوں کو یاد رکھتے ہوئے اتحاد، نظم و ضبط اور ملک دوستی کے جذبے کو فروغ دیں۔

(جاری ہے)

تاجر رہنمائوں نے کہا کہ قومیں اپنے شہدا کی بدولت زندہ رہتی ہیں، ہم ان کے مشن کو ہمیشہ زندہ رکھیں گے ۔انجمن تاجران کمرشل مارکیٹ کل پیر کوکمرشل مارکیٹ میں یوم شہدا منائے گی ، جس کے مہمان خصوصی وفاقی وزیر ریلوے محمد حنیف عباسی ہونگے ۔انہوں نے کہا کہ پاکستان کی سالمیت سب چیزوں سے مقدم ہے ، پاکستان کی طرف اٹھنے والی ہر آنکھ پھوڑ دی جائے گی ، انڈیا کا بارڈر ہو یا افغانستان کا بارڈر انجمن تاجران پاک فوج کے شامل بشانہ لڑنے کے لئے ہمہ وقت تیار ہے ۔