ْمریدکے کے شہید ایس ایچ او شہزاد کو خراجِ عقیدت پیش کرنے کی قرارداد پنجاب اسمبلی میں جمع

جمعرات 16 اکتوبر 2025 17:41

لاہور (اُردو پوائنٹ اخبارتازہ ترین - این این آئی۔ 16 اکتوبر2025ء) مریدکے کے شہید ایس ایچ او شہزاد کو خراجِ عقیدت پیش کرنے کی قرارداد پنجاب اسمبلی میں جمع کروا دی گئی ۔

(جاری ہے)

قرارداد مسلم لیگ (ن) کی رکن اسمبلی حنا پرویز بٹ کی جانب سے جمع کروائی گئی جس کے متن میں کہا گیا ہے کہ شہید ایس ایچ او شہزاد کی بہادری اور فرض شناسی کو سلام پیش کرتے ہیں،حکومت پنجاب سے مطالبہ ہے کہ شہید کے اہلِ خانہ کو شہدا پیکج کے تحت تمام مراعات فراہم کی جائیں۔

قرار داد کے متن میں کہا گیا ہے کہ پولیس اور قانون نافذ کرنے والے زخمی اہلکاروں کی جلد صحت یابی کے لیے دعاگو ہیں اور قانون شکنی اور تشدد میں ملوث عناصر کے خلاف سخت کارروائی کا مطالبہ کرتے ہیں ، اعادہ کرتے ہیں کہ شہداء کی قربانیاں رائیگاں نہیں جائیں گی، پنجاب پولیس زندہ باد، پاکستان پائندہ باد، شہدا کو سلام۔