ویرات کوہلی ورلڈکپ 2027ء کھیلیں گے؟ دنیش کارتک نے اہم راز افشا کردیا

کوہلی ہر ہفتے دو سے تین سیشن کرکٹ کی مشق کر رہے تھے : سابق بھارتی وکٹ کیپر بیٹر

ذیشان مہتاب جمعہ 17 اکتوبر 2025 11:34

ویرات کوہلی ورلڈکپ 2027ء کھیلیں گے؟ دنیش کارتک نے اہم راز افشا کردیا

نئی دہلی (اردو پوائنٹ تازہ ترین اخبار ۔ 17 اکتوبر 2025ء ) ویرات کوہلی کی کرکٹ میدان میں واپسی کے بعد ان کے ورلڈ کپ 2027ء کھیلنے سے متعلق سوالات پھر اٹھ رہے ہیں۔

بھارت کے سابق کپتان اور سپر اسٹار بیٹر جو ٹیسٹ اور ٹی 20 کرکٹ سے ریٹائرمنٹ لے چکے ہیں، انہیں کئی ماہ بعد آسٹریلیا کے خلاف پانچ ون ڈے میچز پر مشتمل سیریز میں شامل کیا گیا ہے، جس کے بعد ان کے 2027ء میں ہونے والے ایک روزہ عالمی کپ کھیلنے سے متعلق سوالات اٹھ رہے ہیں۔

حال ہی میں بھارتی چیف سلیکٹر اجیت اگرکر کی جانب سے روہت شرما اور ویرات کوہلی کے حوالے سے بیان پر جس سے عندیہ ملتا ہے کہ دونوں ریکارڈ ساز بلے باز ورلڈ کپ منصوبے میں شامل نہیں ہیں۔

بھارت کے ہی سابق کرکٹر دنیش کارتک نے اجیت اگرکر کا نام لیے بغیر اس بیان پر شدید ردعمل کا اظہار کرتے ہوئے کہا ہے کہ ویرات کوہلی 2027ء میں ہونے والے آئی سی سی ون ڈے ورلڈ کپ کھیلنے کے خواہشمند ہیں اور اسی لیے وہ کرکٹ سے طویل چھٹی کے دوران بھی لندن میں سخت کرکٹ پریکٹس کرتے رہے ہیں۔

(جاری ہے)

دنیش کارتک نے کہا کہ ٹیم میں روہت شرما ہوں یا شبمن گل یا پھر کے ایل راہول سب مثبت اٹیکنگ کرکٹ صرف ویرات کوہلی کے بھروسے پر ہی کھیلتے ہیں، کیونکہ انہیں یقین ہوتا ہے کہ وہ پریشر کو ہینڈل کر سکتے ہیں اور ہر طرح کے حالات میں کھیل سکتے ہیں۔

سابق کرکٹر کا ایکس پر شیئر کی گئی اپنی ویڈیو میں کہنا تھا کہ روہت شرما، شبمان گل اور کے ایل راہول وغیرہ سب مثبت اٹیکنگ کرکٹ صرف ویرات کوہلی کے بھروسے پر ہی کھیلتے ہیں کیونکہ وہ جانتے ہیں کہ کوہلی پریشر کو ہینڈل کرسکتا ہے، اگر معاملات خراب ہوئے تو وہ سنبھال لے گا۔

🚨🚨 Big Breaking on Virat Kohli as DK confirms, Virat wants to play WC2027.

- Dinesh Karthik exposed Ajit Agarkar's non-commital statement on Virat Kohli & said, Virat is keen to play the world cup, in london he was practicing hard during this long layoff & I also know he was… pic.twitter.com/HjVevnVwdH
— Rajiv (@Rajiv1841) October 15, 2025

دوسری جانب ویرات کوہلی نے بھی آج اپنے ایکس اکاؤنٹ سے ایک معنی خیز پوسٹ شیئر کی ہے، جس میں وہ لکھتے ہیں کہ ’’آپ صرف اسی وقت ناکام ہوتے ہیں، جب آپ ہار مان لیتے ہیں۔‘‘

The only time you truly fail, is when you decide to give up.
— Virat Kohli (@imVkohli) October 16, 2025

اس پوسٹ میں اگرچہ ویرات نے براہ راست کسی کو مخاطب نہیں کیا، لیکن اس معنی خیز پوسٹ کو صارفین بالخصوص اسٹار بیٹر کے پرستار ٹیم منیجمنٹ کے مبہم رویہ سے جوڑ رہے ہیں۔