آسٹریلیا اور بھارت کے درمیان دوسراون ڈے کرکٹ میچ 23 اکتوبر کو کھیلا جائے گا

پیر 20 اکتوبر 2025 12:50

ایڈیلیڈ(اُردو پوائنٹ اخبارتازہ ترین - این این آئی۔ 20 اکتوبر2025ء) آسٹریلیا اور بھارت کی کرکٹ ٹیموں کے درمیان تین ایک روزہ بین الاقوامی میچوں پر مشتمل سیریز کا دوسرا میچ 23 اکتوبر کو ایڈیلیڈ اوول، ایڈیلیڈ میں کھیلا جائے گا۔ کرکٹ ویب سائٹ کے مطابق میزبان آسٹریلوی ٹیم کو مہمان بھارتی ٹیم کے خلاف تین ون ڈے میچوں کی سیریز میں 0-1 کی برتری حاصل ہے۔

کینگروز نے پہلے ون ڈے میچ میں بھارتی ٹیم کو 7 وکٹوں سے شکست دی تھی۔

(جاری ہے)

بھارت کی کرکٹ ٹیم اپنے دورہ آسٹریلیا کے دوران میزبان ٹیم کے خلاف ایک 3 ون ڈے اور 5 ٹی ٹونٹی میچوں کی سیریز کھیلے گی۔ون ڈے سیریز کا ایک میچ کھیلا جاچکا ہے جو میزبان ٹیم نے جیت لیا تھا۔ آسٹریلیا اور بھارت کی ٹیموں کے درمیان تین ون ڈے میچوں کی سیریز کا دوسرا میچ 23 اکتوبر کو ایڈیلیڈ میں کھیلا جائے گا۔ون ڈے سیریز میں آسٹریلوی ٹیم کی قیادت مایہ ناز آل رائونڈر مچل مارش کریں گے جبکہ بھارتی ٹیم کو شھمن گل لیڈ کریں گے۔دونوں ٹیموں کے درمیان تیسرا اور آخری ون ڈے میچ 25اکتوبر کو سڈنی کے مقام پر کھیلا جائے گا۔