پاکستان ہاکی ٹیم کے کھلاڑیوں کو 10،10 لاکھ روپے اور نوکریاں دینے کا فیصلہ

وزیر داخلہ اورچیئرمین پی سی بی محسن نقوی نے ہاکی ٹیم کے کھلاڑیوں کو دس دس لاکھ روپے دینے کا اعلان کیا تھا

ذیشان مہتاب پیر 20 اکتوبر 2025 14:54

پاکستان ہاکی ٹیم کے کھلاڑیوں کو 10،10 لاکھ روپے اور نوکریاں دینے کا فیصلہ

لاہور (اردو پوائنٹ تازہ ترین اخبار ۔ 20 اکتوبر 2025ء ) پاکستان ہاکی ٹیم کے کھلاڑیوں کے اعزاز میں تقریب کے انعقاد کا فیصلہ کیا گیا ہے۔

واضح رہے کہ وزیر داخلہ اور چیئرمین پی سی بی محسن نقوی نے ہاکی ٹیم کے کھلاڑیوں کو دس دس لاکھ روپے دینے کا اعلان کیا تھا۔

(جاری ہے)

اس حوالے سے ذرائع کا کہنا ہے کہ اعلان کردہ 10,10 لاکھ روپے کھلاڑیوں کو دئیے جائیں گے اور بے روز گار ہاکی پلیئرز کو مختلف محکموں میں نوکریاں بھی دینے کا اعلان کیا جائے گا۔

ذرائع کا کہنا ہے کہ وزیراعظم شہباز شریف کی تقریب میں شرکت کرنے کا امکان ہے اور ان کی دستیابی کے بعد تقریب کی تاریخ کا اعلان کیا جائے گا۔

خیال رہے کہ وزیر داخلہ اور چیئرمین پی سی بی محسن نقوی ہاکی ٹیم کے اعزاز میں تقریب کا انعقاد کریں گے۔