مصباح الحق کو کرکٹ بورڈ میں اہم ذمہ داری ملنے کا امکان

پی سی بی نے چند دن قبل ڈائریکٹرکرکٹ آپریشنز انٹرنیشنل کے لیے اشتہار دیا تھا: ذرائع

Zeeshan Mehtab ذیشان مہتاب منگل 21 اکتوبر 2025 10:43

مصباح الحق کو کرکٹ بورڈ میں اہم ذمہ داری ملنے کا امکان
لاہور (اردو پوائنٹ تازہ ترین اخبار ۔ 21 اکتوبر 2025ء ) پاکستان کرکٹ بورڈ کی جانب سے سابق کپتان مصباح الحق کو اہم ذمہ داری دیے جانے کا امکان ہے۔
ذرائع کے مطابق پی سی بی نے چند دن قبل ڈائریکٹر کرکٹ آپریشنز انٹرنیشنل کے لیے اشتہار دیا تھا اور اب بورڈ کی جانب سے 51 سالہ مصباح الحق کی اس عہدے پر تقرری کا امکان ہے۔

(جاری ہے)

 

ذرائع کا بتانا ہے کہ اشتہار میں اہلیت کیلئے پہلی مرتبہ سابق ٹیسٹ کرکٹر یا ون ڈے انٹرنیشنل کرکٹرکی شرط رکھی گئی ہے۔ 
واضح رہے کہ پی سی بی نے ایشیا کپ میں پاک بھارت تنازع میں صورتحال سے صحیح طریقے سے نہ نمٹنے پر ڈائریکٹرکرکٹ آپریشنز انٹرنیشنل عثمان واہلہ کو معطل کیا تھا تاہم بعد میں انہیں بحال کردیا گیا تھا۔