قومی ٹی ٹونٹی سکواڈ کی تشکیل آخری مرحلے میں داخل، متعدد تبدیلیوں کا امکان

سیریز کا پہلا ٹی ٹونٹی میچ 28 اکتوبر کو راولپنڈی کرکٹ سٹیڈیم میں کھیلا جائے گا

ذیشان مہتاب منگل 21 اکتوبر 2025 14:41

قومی ٹی ٹونٹی سکواڈ کی تشکیل آخری مرحلے میں داخل، متعدد تبدیلیوں کا ..

لاہور (اردو پوائنٹ تازہ ترین اخبار ۔ 21 اکتوبر 2025ء ) پاکستان اور جنوبی افریقہ کے درمیان ٹی ٹونٹی سیریز کے لیے قومی ٹی 20 سکواڈ کی تشکیل آخری مرحلے میں داخل ہوگئی، متعدد تبدیلیوں کا امکان ہے۔

نجی ٹی وی سما نیوز کے مطابق قومی سکواڈ میں دو سے تین تبدیلیاں متوقع ہے، حسین طلعت اور خوشدل شاہ کا جگہ بچانا مشکل ہے ، عرفان نیازی اور نسیم شاہ کو سکواڈ میں شامل کیے جانے کا امکان ہے۔

ٹی ٹونٹی سیریز میں بابر اعظم اور محمد رضوان کے سکواڈ میں شامل ہونے کا امکان نہیں جبکہ شاہین آفریدی کو آرا م دینے کی تجویز ہے۔ ذرائع کے مطابق پاکستان ٹی 20 کھلاڑی 25 اکتوبر کو اسلام آباد میں رپورٹ کریں گے، ٹریننگ سیشن 26 اکتوبر کو شیڈول ہے۔

تین ٹی ٹونٹی میچز کی سیریز کا پہلا میچ 28 اکتوبر کو پنڈی سٹیڈیم میں کھیلا جائے گا جبکہ دوسرا اور تیسرا ٹی ٹونٹی میچ 31 اکتوبر اور یکم نومبر کو لاہور میں شیدول ہے۔

(جاری ہے)

پاکستان اور جنوبی افریقہ کے درمیان ٹی ٹونٹی اور ون ڈے سیریز کے لئے پاکستان بھر سے ٹکٹوں کی فروخت کا عمل شروع ہوگیا۔ راولپنڈی ٹی ٹوئنٹی میچ کی کم سے کم ٹکٹ 400 روپے، زیادہ سے زیادہ 15 ہزار روپے مقرر کی گئی ہے۔

جنرل 400 روپے، فرسٹ کلاس 600 روپے، پریمیئم 700 روپے مقرر، وی آئی پی 800 روپے، پی سی بی گیلری 1500 روپے، پلیٹینم باکس 15000 روپے فی سیٹ ہوگی۔

قذافی سٹیڈیم لاہور کیلئے کم سے کم ٹکٹ 400 روپے، زیادہ سے زیادہ 2500 روپے مقرر کی گئی ہے، جنرل 400 روپے، فرسٹ کلاس 600 روپے، پریمیئم 700 روپے، وی آئی پی 800 روپے رکھی گئی ہے۔

وی آئی پی فار اینڈ 1500 روپے، وی آئی پی نیو پیویلیئن 2000 روپے، وی آئی پی گیلری 2500 روپے مقرر کی گئی ہے۔

فیصل آباد اقبال سٹیڈیم کیلئے کم سے کم ٹکٹ 400 روپے، زیادہ سے زیادہ 3000 روپے مقرر رکھی گئی ہے، جنرل 400 روپے، فرسٹ کلاس 600 روپے، وی آئی پی 800 روپے اور وی آئی پی گراؤنڈ فلور 3000 روپے رکھی گئی ہے۔