غزہ میں جنگ کے باوجود اسرائیل کے خلاف پابندیوں کا امکان ہے،یورپی یونین

ممکنہ پابندیوں میں اسرائیلی وزرا کو بلیک لسٹ میں شامل کرنا اور تجارتی تعلقات کو روکنا شامل ہیں،بیان

منگل 21 اکتوبر 2025 17:19

برسلز (اُردو پوائنٹ اخبارتازہ ترین - این این آئی۔ 21 اکتوبر2025ء) یورپی یونین کی خارجہ امور کی سربراہ نے بتایا ہے کہ غزہ میں جنگ کے باوجود اسرائیل کے خلاف پابندیوں کا امکان اب بھی موجود ہے۔غیرملکی میڈیا کے مطابق یورپی یونین کی خارجہ امور کی سربراہ کاجاکلاس نے کہا ہے کہ بیشک غزہ میں جنگ بندی ہوچکی ہے، مگر ہم وہاں زمین پر حقیقی قابل ذکر تبدیلی دیکھنا چاہتے ہیں جیسا کہ غزہ میں زیادہ امداد کی فراہمی تک اسرائیل پر مزید پابندیاں لگانے کا آپشن موجود ہے۔

(جاری ہے)

انہوں نے بتایا کہ ممکنہ پابندیوں میں اسرائیلی وزرا کو بلیک لسٹ میں شامل کرنا اور تجارتی تعلقات کو روکنا شامل ہیں۔ان پابندیوں کو نافذ کرنے کا معاملہ اب بھی آپشن میں موجود ہیں، تاہم ابھی ان پابندیوں کو نہیں لگائیں گے کیوں کہ ابھی صورتحال نازک ہے۔کاجا کلاس نے کہا کہ ہم چاہتے ہیں انسانی ہمدردی کی بنیاد پر غزہ میں امداد کی فراہمی میں بہتری آئے، فلسطینیوں کی آمدنی کا سلسلہ شروع ہو، وہاں صحافیوں کو جانے کی اجازت ملے، اور این جی اوز کو رجسٹر کرنے جیسے کام آگے بڑھیں۔