بیشتر علاقوں میں موسم خشک، بالائی علاقوں میں بارش ،برفباری کا امکان

سندھ کے بیشتر اضلاع میں موسم گرم اور خشک رہے گا، محکمہ موسمیات

بدھ 29 اکتوبر 2025 20:05

اسلام آباد (اُردو پوائنٹ اخبارتازہ ترین۔ 29 اکتوبر2025ء) ملک کے بیشتر علاقوں میں موسم خشک رہنے کا امکان ہے جبکہ بالائی علاقوں میں ہلکی بارش اور برفباری کا امکان ہے۔محکمہ موسمیات کے مطابق اسلام آباد اور گردونواح میں موسم خشک، رات کو سرد رہنے کا امکان ہے۔

(جاری ہے)

پنجاب کے بیشتر اضلاع میں موسم خشک رہے گا، لاہور، گوجرانوالہ، قصور، شیخوپورہ، فیصل آباد، اوکاڑہ، سیالکوٹ، خانیوال، رحیم یار خان، بہاولپور اور ملتان میں میں سموگ چھائے رہنے کی توقع ہے۔

خیبرپختونخوا کے بیشتر اضلاع میں موسم خشک رہے گا، پہاڑی علاقوں میں موسم سرد رہنے کا امکان ہے۔ چترال، دیر، سوات، کوہستان اور کرم میں ہلکی بارش ہوسکتی ہے، خیبر پختونخوا کے بلند و بالا پہاڑوں پرہلکی برفباری متوقع ہے۔سندھ کے بیشتر اضلاع میں موسم گرم اور خشک رہیگا جبکہ بلوچستان میں موسم خشک، شمالی اضلاع میں سرد رہنے کا امکان ہے۔