پنجاب حکومت کی ناقص کارکردگی کی سزا پنجاب سمیت پورے پاکستان کو مل رہی ہے

پنجاب حکومت کا دعوہ ہے کہ گندم 3000 روپے من کے حساب سے ریلیز کر رہے ہیں مگر گندم مارکیٹ میں 4600 من پر بھی دستیاب نہیں ،مشیر خزانہ خیبرپختونخوا

بدھ 7 جنوری 2026 19:50

پشاور(اُردو پوائنٹ اخبارتازہ ترین۔ 07 جنوری2026ء) مشیر خزانہ خیبرپختونخوا مزمل اسلم نے گندم نرخ کے حوالے سے اہم بیان جاری کرتے ہوئے کہا ہے کہ پنجاب حکومت کی ناقص کارکردگی کی سزا پنجاب سمیت پورے پاکستان کو مل رہی ہے پنجاب حکومت کا دعوہ ہے کہ گندم 3000 روپے من کے حساب سے ریلیز کر رہے ہیں مگر گندم مارکیٹ میں 4600 من پر بھی دستیاب نہیں ہے۔ ان خیالات کا اظہار مشیر خزانہ خیبرپختونخوا مزمل اسلم نے اپنے دفتر سے جاری ہونے والے ایک بیان میں کیا۔

(جاری ہے)

انہوں نے کہا کہ پنجاب حکومت بتائیں گندم کس کو ریلیز کی جارہی ہی پہلے حساب دیا جائے کہ غریب کسان سے 2200 کی گندم کس نے خریدی پھر گندم کو کس نے سٹور کیا تھا۔ مزمل اسلم نے کہا کہ اگر پنجاب حکومت 3000 فی من کے حساب سے دے رہی ہے تو مارکیٹ میں دستیاب کیوں نہیں ہے۔ ن لیگ حکومت میں دراصل چینی اور آٹا مافیا کو کھلی چھوٹ ملی ہوئی ہے۔ پنجاب حکومت کھوکھلا دعویٰ دس کلو 900 روپے کا تھیلا بتائیں کس جگہ میں دستیاب ہی مزمل اسلم نے کہا کہ آٹے مارکیٹ کا ریٹ پنجاب سے کھلتا ہے۔ پنڈی، اسلام آباد، اٹک اور پشاور میں 20 کلو تھیلے کا ریٹ 2800 تک پہنچ گیا ہے۔ آٹے کی بلیک مارکیٹ کی ذمہ داری وفاقی اور پنجاب حکومت کی بنتی ہے۔