بینک اسلامی کی ایپ aik میں aikPay کے نام سے پاکستان کا پہلا اورشریعہ کمپلائنٹ راست QRگیٹ وے متعارف کرا دیا گیا

جمعرات 22 جنوری 2026 20:25

کراچی(اُردو پوائنٹ اخبارتازہ ترین - این این آئی۔ 22 جنوری2026ء) بینک اسلامی کی ایپ 'aik' میں aikPay راست (RAAST) کیو آر کوڈ (QR Code) متعارف کرا دیا گیا ہے جو پاکستان میں شرعی اصولوں کے مطابق ادائیگی کا پہلا گیٹ وے ہے۔ اسٹیٹ بینک آف پاکستان کے متعارف کردہ راست (RAAST) کے انفراسٹرکچر پر تیار کردہ aikPayکے کیو آر کوڈز کے ذریعے آن لائن ادائیگیوں کو ممکن بناتا ہیاور اس طرح صارفین اپنے بینک اکانٹس سے فوری ادائیگی کر سکتے ہیں، جبکہ تاجروں کو بھی محفوظ اور ہموار چیک آٹ تجربے کے ساتھ ادائیگیاں موصول ہوتی ہیں۔

اس کیو آر کوڈ کا آغاز 'aik' کے زیرِ اہتمام ایک مشاورتی سیشن سے ہوا جس میں اسٹیٹ بینک آف پاکستان اور راست (RAAST) کے نمائندوں نے شرکت کی۔ اس سیشن میں اسٹیٹ بینک کے ڈائریکٹر، ڈیجیٹل انوویشنز اینڈ سیٹلمنٹ، محمد عماد الدین اور راست پیمنٹس پاکستان کے چیف ایگزیکٹو آفیسر، احسن بن سعید شریک ہوئے۔

(جاری ہے)

اس کے علاوہ اس سیشن میں، بینک اسلامی کے چیف آپریشنز آفیسر، سہیل سکندر، aik کے چیف آفیسر،اشفاق احمد اور aik کی ٹیم کے دیگر اراکین بھی موجود تھے۔

aik کے چیف آفیسر، اشفاق احمد نے اپنے تبصرے میں کہا: دنیا تیزی سے ٹیکنالوجی کے ساتھ تبدیل ہورہی ہے اور ڈیجیٹل ادائیگیاں روزمرہ زندگی کا معمول بنتی جا رہی ہیں۔ aik میں ہم ربا سے پاک ڈیجیٹل بینکاری کے فروغ کے لیے اپنے مشن پر ثابت قدم ہیں اور ایسی جدید سہولیات فراہم کر رہے ہیں جو روزمرہ کیلین دین کو مزید آسان، تیز تر اور ہموار بنائیں، تاکہ پاکستان کی ڈیجیٹل معیشت کی جانب قومی وژن کی حمایت کی جا سکے۔

aikPayکے ذریعے صارفین راست (RAAST)سے منسلک کسی بھی موبائل بینکنگ ایپ کو استعمال کرتے ہوئے مزید آسانی کے ساتھ آن لائن خریداری اور ادائیگی کر سکتے ہیں، جہاں ٹرانزیکشن کی فوری تصدیق اور کارڈ کے بغیر چیک آٹ کا تجربہ حاصل ہوتا ہے۔تاجروں کو راست (RAAST) میں دستیاب باہمی عملیت (Interoperability) کے ذریعے ملک گیر سطح پر وسیع رسائی، ادائیگی کی فوری تصدیق، اور نقد کے بہتر بہا (Liquidity) کے لیے رقوم کی فوری منتقلی جیسے فوائد حاصل ہوں گے۔ اس کے علاوہ، مسابقتی ایم ڈی آر ریٹس کے ذریعے ادائیگیوں کی وصولی پر آنے والی کم لاگت اسے چھوٹے اور درمیانے درجہ کے کاروباری اداروں ، آن لائن کاروبار کرنے والے اداروں اور سرکاری اداروں کے لیے ایک قابلِ توسیع حل بناتی ہے۔