مسلم لیگ ن کے دور حکومت میں ترقیاتی کاموں کے جال بچھائے گئے، شیخ آفتاب احمد

اتوار 15 فروری 2026 12:40

حضرو (اُردو پوائنٹ اخبارتازہ ترین - اے پی پی۔ 15 فروری2026ء) مسلم لیگ ن کے سنیئر نائب صدر و ممبر قومی اسمبلی شیخ آفتاب احمد نے کہا کہ مسلم لیگ ن کے دور حکومت میں ترقیاتی کاموں کے جال بچھائے گئے جب بھی عوام نے اعتماد کیا ان کو مایوس نہیں کیا، حلقے میں سڑکوں کے جال بچھائے جا رہے ہیں۔ ان خیالات کا اظہار انہوں نے حسن ابدال میں۔تین کروڑ روپے کی لاگت سے تعمیر ہونے والی دو کلو میٹر سڑک کی افتتاحی تقریب سے خطاب کرتے ہوئے کیا تقریب سے سابق ممبر صوبائی اسمبلی سردار افتحار مٹھو ضلعی صدر سلیم شہزاد اور دیگر نے بھی خطاب کیا۔

اس موقع پر سابق چیئرمین بلدیہ اٹک شاہد محمود شاہدی شیخ اجمل محمود طلال اشرف بٹ محمد رفیق بھولا میرنوید شیخ علی ملک سجاد اور دیگر بھی موجود تھے۔

(جاری ہے)

تقریب کا انعقاد ملک صداقت ملک عابد نے کیا تھا۔ شیخ آفتاب احمد نے کہا کہ الیکشن کے دور میں عوام سے کیا گیا وعدہ پورا کر دیا ہے ،تحصیل حضرو اٹک میں بجلی سوئی گیس سڑکیں بنا دیں گئیں ہیں، تحصیل حسن ابدال میں سڑکوں کے جال بچھائے جا رہےہیں ہیں، اس تحصیل کے تمام مساہل حل کریں گے، تحصیل حسن ابدال کے لیے کروڑ روپے کی گرانٹ دی ہے جلد ترقیاتی کاموں کا سلسلہ شروع ہو جائے گا۔

اب اسی تحصیل میں بجلی سوئی گیس کے منصوبے شروع کریں گے ۔میاں محمد نواز شریف نے موٹر وے دے کر ملک کو ترقی کی جانب گامزن کیا، مسلم لیگ ن کی قیادت ملک میں نوجوانوں کو روزگار فراہم کرنے کی کوشش کی جا رہی ہے ،میاں محمد نواز شریف کی قیادت میں میاں شہباز شریف اور مریم نواز شریف ملک کو بحرانوں سے نکالنے کے لیے دن رات کوشاں ہیں، میاں محمد نواز شریف نے قوم کو ایٹمی طاقت بنایا ۔

حالیہ پاک بھارت جنگ میں پاکستان نے ثابت کر دیا وہ بہادر افواج اور قوم ہیں۔ انہوں نے کہا آج جو بڑے منصوبوں مکمل ہوئے اس کا کریڈٹ میاں محمد نواز شریف کو جاتا ہے ،قوم نے نواز شریف کے ساتھ بے وفائی کی اور نااہل شخص کو وزیراعظم پاکستان بنا کر ملک کو تباہ کیا پوری قوم کی نظریں میاں محمد نواز شریف میاں شہباز شریف اور مریم نواز شریف پر لگی ہوئی ہیں۔

قوم میاں محمد نواز شریف کے جھنڈے کو تھام لیں وہ ملک وقوم کو بحرانوں سے نجات دوائیں گے۔ افواج پاکستان کی ملک وقوم کے لیے بڑی قربانیاں دی ہیں۔ پاکستان کے سکیورٹی ادارے مبارک باد کے مستحق ہیں جن کی وجہ سے عوام رات کو آرام سے سوتے ہیں۔ انہوں نے کہا کہ مسلم لیگ ن کی حکومتیں عوام کے مسائل حل کرنے کی کوشش کر رہے ہیں۔ حلقہ این اے 49 میں ترقیاتی کاموں کا سلسلہ جاری ہے عوام سے کیے گئے وعدے پورے کریں گے۔ مقامی آبادی درنیہ مسئلہ حل کرنے پر شیخ آفتاب احمد اور افتخار احمد مھٹو کا شکریہ ادا کیا۔\378