سپیکر پنجاب اسمبلی کی ہمشیرہ اور وزیر مملکت ملک رشید احمد خاں کی بھانجی کے ایصالِ ثواب کیلئے خصوصی دعا

لاہور (اُردو پوائنٹ اخبارتازہ ترین - آن لائن۔ 11 اپریل2026ء) سپیکر پنجاب اسمبلی ملک محمد احمد خاں کی ہمشیرہ، ڈاکٹر محمد امیر خاں اور وزیر مملکت ملک رشید احمد خاں کی بھانجی کے ایصالِ ثواب کے لیے فتح پور (قصور) میں خصوصی دعا کا اہتمام کیا گیا۔ مرحومہ ملک عبدالحفیظ خاں کی اہلیہ اور چیئرمین پیمرا ملک احمد سعید خاں کی کزن تھیں۔ خصوصی دعا مفکر سید ضیائ اللہ شاہ بخاری نے کروائی، جس میں قرآن خوانی، محفل نعت اور مرحومہ کے ایصالِ ثواب کے لیے خصوصی دعائیں کی گئیں۔

اس موقع پر سابق وزیر اعظم و صدر مسلم لیگ (ن) میاں محمد نواز شریف نے سپیکر پنجاب اسمبلی ملک محمد احمد خاں اور وزیر مملکت ملک رشید احمد خاں کو ٹیلیفون کیا اور ان کی ہمشیرہ اور بھانجی کے انتقال پر دلی تعزیت کا اظہار کیا۔

(جاری ہے)

میاں محمد نواز شریف نے مرحومہ کے ایصالِ ثواب کے لیے فاتحہ خوانی کی اور درجات کی بلندی و لواحقین کے لیے صبرِ جمیل کی دعا بھی کی۔

سابق وزیراعلیٰ پنجاب و رکن قومی اسمبلی حمزہ شہباز شریف نے بھی سپیکر پنجاب اسمبلی ملک محمد احمد خاں اور وزیر مملکت ملک رشید احمد خاں سے ملاقات کی اور اظہارِ تعزیت کرتے ہوئے مرحومہ کے ایصالِ ثواب کے لیے فاتحہ خوانی اور دعائے مغفرت کی۔ خصوصی دعا میں سینیٹر عابد شیر علی، سابق وفاقی وزیر خواجہ سعد رفیق، ڈپٹی سپیکر پنجاب اسمبلی ملک ظہیر اقبال چنڑ، وزیر خوراک بلال یاسین، ممبران صوبائی اسمبلی اختر عباس، ملک ارشد، محمد نواز، ممتاز علی چانگ، نورالامین وٹو، زکیہ شاہنواز، رانا اشد، راحیلہ خادم، شازیہ رضوان، سلطان باجوہ، وسیم انجم، بابا فیبلس، شکیلہ جاوید، عمانوئیل اطہر جولیس سمیت دیگر ارکان اسمبلی شریک ہوئے۔

اس کے علاوہ ڈاکٹر امیر خاں، رانا جاوید اقبال، ڈاکٹر غلام اصغر، ملک اعجاز، ملک تیمور، ملک محمد علی، امجد مان، سلیم بھٹی، رانا انعام، محسن بھٹی، محمد احمد، سابق وزیر فواد چوہدری، پارلیمانی سیکرٹری عبدالمنان، لیگی رہنما خواجہ حسان، سابق میئر لاہور کرنل (ر) مبشر، سینیئر صحافی گوہر بٹ، نعیم حنیف بھی دعا میں شریک ہوئے۔ پنجاب اسمبلی سیکرٹریٹ سے سیکرٹری جنرل چودھری عامر حبیب، سیکرٹری پارلیمانی امور خالد محمود، پرنسپل سیکرٹری عماد حسین بھلی، ایڈیشنل سیکرٹری علی حسنین بھلی، ڈائریکٹر میڈیا راؤ ماجدعلی، سلیم بھٹی، عامر لیاقت، سجاد صدیقی، عظیم بٹ، خواجہ حمزہ، حماد چیمہ، گوہر مقصود، شہزاد قمر، افتخار ہزاروی سمیت افسران و ملازمین کی کثیر تعداد نے شرکت کی۔

علمائے کرام، اہلِ علاقہ اور مختلف سیاسی و سماجی شخصیات بھی بڑی تعداد میں خصوصی دعا میں شریک ہوئیں۔ خصوصی دعا میں قرآن خوانی، محفل نعت اور مرحومہ کے ایصال ثواب کے خصوصی دعا کی گئی