مری مال روڈ لینڈ ایکوزیشن: کاروباری مراکز کے تحفظ کی کوششیں تیز

ظ*حمزہ شہباز سے لیگی رہنماؤں کی ملاقات،قائدین سے معاملہ اٹھانے کی یقین دہانی

جمعرات 30 اپریل 2026 19:40

cمری(اُردو پوائنٹ اخبارتازہ ترین - آن لائن۔ 30 اپریل2026ء) مری مال روڈ پر لینڈ ایکوزیشن کے باعث کاروباری مراکز کو لاحق خطرات کے پیش نظر سابق وزیر اعلی پنجاب حمزہ شہباز شریف سے حاجی اسد خان،خستہ میر خان،شفیق وانی اور دیگر رہنماوں نے ملاقات کی،اس موقع پر سابق وزیر اعلی نے وفد کو یقین دلایا کہ وہ اس معاملے کو قائد مسلم لیگ ن میاں محمد نواز شریف، وزیراعظم میاں محمد شہباز شریف اور وزیراعلی پنجاب مریم نواز شریف کے سامنے خصوصی طور پر اٹھائیں گے،نوجوان لیگی رہنما شفیق وانی نے آگاہ کیا کہ مری مال روڈ ہل سائیڈ پر زیادہ تر وہ کاروباری مراکز متاثر ہو رہے ہیں جو متحرک لیگی کارکنان کے ہیں،جنہوں نے ہر موقع پر پارٹی کے لیے اہم خدمات انجام دی ہیں،انہوں نے کہا کہ موجودہ لینڈ ایکوزیشن اور مسماری کی کارروائی کے باعث کارکن شدید مشکلات کا شکار ہیں اور عوامی سوالات کے جواب دینا مشکل ہو گیا ہے،وفد نے مجوزہ ترقیاتی منصوبے کے لیے متبادل اور کم لاگت مقامات کی نشاندہی بھی کی۔