گ*حمزہ شہباز کی قیادت میں ن لیگ کے وفد کی جیکب آباد آمد،اعجازجاکھرانی سے تعزیت

ہفتہ 2 مئی 2026 18:40

غ*جیکب آباد(اُردو پوائنٹ اخبارتازہ ترین - آن لائن۔ 02 مئی2026ء) مسلم لیگ (ن) کے مرکزی نائب صدر اور سابق وزیراعلیٰ پنجاب حمزہ شہباز شریف کی پیپلز پارٹی کے ایم این اے اور قومی اسمبلی میں چیف وہپ میر اعجاز حسین جاکھرانی کے بیٹے کے انتقال پر تعزیت کیلئے وفد کے ہمراہ جاکھرانی ہاؤس، جیکب آباد آمدہوئی۔

(جاری ہے)

وفد کے دیگر ارکان میں وفاقی وزیر قانون اعظم نذیر تارڑ، وفاقی وزیر پارلیمانی امور طارق فضل چوہدری، وزیر مملکت کھیل داس کوہستانی، مسلم لیگ (ن) کے مرکزی سینئر نائب صدر سید شاہ محمد شاہ، ترجمان وفاقی وزارت اطلاعات و نشریات برائے سندھ راجہ انصاری اور خالد شیخ شامل تھے۔

حمزہ شہباز شریف نے میر اعجاز حسین جاکھرانی سے تعزیت کا اظہار کیا اور مرحوم کے ایصال ثواب کے لئے فاتحہ خوانی کی۔حمزہ شہباز شریف نے مرحوم کے درجات کی بلندی اور لواحقین کے لئے صبر جمیل کی دعا بھی کی۔