مغربی بنگال الیکشن میں بی جے پی کی فتح غیر اخلاقی ، ہماری 100 سے زائد سیٹیں چوری کی گئیں،ممتابنیر جی

منگل 5 مئی 2026 12:55

کولکتہ (اُردو پوائنٹ اخبارتازہ ترین - اے پی پی۔ 05 مئی2026ء) مغربی بنگال کی وزیر اعلیٰ ممتا بنیرجی نے ریاستی انتخابات میں بی جے پی کی بھاری اکثریت سے کامیابی کو 'غیر اخلاقی' قرار دیتے ہوئے کہا ہے کہ 100 سے زائد سیٹوں پر ان کی پارٹی کامینڈیٹ "لوٹا" گیاہے۔کشمیر میڈیا سروس کے مطابق ممتا بنیر کی جوترنمول کانگریس (ٹی ایم سی) کی سربراہ بھی ہیں ، نے ان خیالات کا اظہار سکھاوت میموریل گورنمنٹ گرلز ہائی سکول میں قائم پولنگ سٹیشن کے باہر صحافیوں سے گفتگو کے دوران کیا۔

انہوں نے کہا کہ ہم واپس پلٹ کر آئیں گے۔ ممتا بنرجی اس سینٹر میں ایسے وقت پہنچی تھیں جب ترنمول کانگریس نے الزام عائد کیا تھا کہ ان کے ایک کاؤنٹنگ ایجنٹ کو وہاں سے باہر نکال دیا گیا تھا۔ جب وہ باہر نکلیں تو بی جے پی کے حامیوں نے 'جے شری رام' کے نعرے لگائے۔

(جاری ہے)

بی جے پی رہنما شوبھندو اڈھیکاری نے بھوانی پور میں15ہزارسے زائد ووٹوں کے فرق سے کامیابی حاصل کی۔

ممتا بنیرجی نے الزام عائد کیا کہ الیکشن کمیشن کی سرگرمیاں، جو مرکزی فورسز کے ذریعے "وزیراعظم نریندر مودی اور وزیر داخلہ امیت شاہ کی ملی بھگت سے انجام دی گئیں "غیر قانونی" تھیں۔ انہوں نے کہاکہ انہوں نے چیف الیکٹورل آفیسر منوج اگروال سے شکایت کی لیکن کوئی فائدہ نہیں ہوا۔انہوں نے کہا کہ جب ہمارے ایجنٹوں کو کاؤنٹنگ سینٹر کے اندر جانے کی اجازت نہیں دی گئی اورسی سی ٹی وی کیمروں کو بھی بند کر دیا گیا۔ ادھر اپوزیشن لیڈر راہول گاندھی نے ممتا بنیرجی کی حمایت کرتے ہوئے کہاہے کہ آسام اور بنگال الیکشن چوری ہونے کے واضح ثبوت ہیں۔بی جے پی نے الیکشن کمیشن کی مدد سے الیکشن چرائے ہیں۔ انہوں نے کہا کہ بنگال میں 100 سے زائد سیٹیں چرائی گئی ہیں۔