میکسیکو کی صدر کا غیر ملکی مداخلت کے خلاف انتباہ

بدھ 6 مئی 2026 11:28

میکسیکو سٹی (اُردو پوائنٹ اخبارتازہ ترین - اے پی پی۔ 06 مئی2026ء) میکسیکو کی صدر کلاڈیا شینبام نےسنکو دے مایو کی تعطیل کے موقع پر اس عزم کا اظہار کیا کہ کوئی بھی غیر ملکی طاقت ملک کی سمت کا تعین نہیں کر سکتی، اور بیرونِ ملک سے حمایت حاصل کرنے والے سیاسی مخالفین ناکامی سے دوچار ہوں گے۔ شنہوا کے مطابق کلاڈیا شینبام نے پوئبلا کی جنگ کی 164ویں سالگرہ کے موقع پر ، جس میں میکسیکو کی افواج نے کہیں بڑی فرانسیسی حملہ آور فوج کو شکست دی تھی، سے خطاب کرتے ہوئےاس بات پر زور دیا کہ خودمختاری، آزادی اور میکسیکو کے عوام کے مفادات سے بڑھ کر کوئی چیز اہم نہیں۔

انہوں نے کہا کہ جو لوگ عوامی حمایت نہ ہونے کی وجہ سے بیرونی مدد کے خواہاں ہیں ان کے مقدر میں شکست ہی ہے ، جو یہ سمجھتے ہیں کہ صدر جھک رہی ہیں، وہ بھی ناکامی سے دوچار ہوں گے۔

(جاری ہے)

ان کے یہ بیانات ایسے وقت میں سامنے آئے ہیں جب چند روز قبل امریکی حکومت نے 10 میکسیکن شہریوں کی حوالگی کی درخواست کی، جن میں شمال مغربی ریاست سینالوا کے گورنر روبن روشا مویا بھی شامل ہیں، جن پر اسلحہ اور منشیات کی سمگلنگ سے متعلق جرائم کے الزامات ہیں۔

یہ پیش رفت اس حالیہ انکشاف کے بعد بھی ہوئی ہے کہ امریکی سی آئی اے کے دو اہلکار، جو شمالی ریاست چی ہواہوا میں انسداد منشیات کارروائی کے دوران مارے گئے، وفاقی حکومت کی معلومات کے بغیر میکسیکو کی سرزمین پر سرگرم تھے۔صدر کلاڈیا شینبام نے کہا کہ اپنے پڑوسیوں، یعنی امریکا سے ہم کہتے ہیں کہ ہم واضح اور پُرعزم ہیں۔ تاریخ ہمیں بتاتی ہے کہ میکسیکو کے عوام اپنی قومی خودمختاری کے دفاع میں کبھی غلطی نہیں کرتے، کوئی غیر ملکی طاقت ہمیں یہ نہ بتائے کہ ہم اپنے ملک کو کیسے چلائیں۔

تقریب کے دوران صدر نے نیشنل ملٹری سروس کے 31 ہزار فوجیوں سے حلف لیااور تقریباً 800 خواتین رضاکاروں کو بھی شامل کیا۔ انہوں نے ان سے اپیل کی کہ وہ 5 مئی 1862 کی یاد کو زندہ رکھیں، جو غیر ملکی حملوں اور اندرونی تقسیم کے خلاف مزاحمت کی علامت ہے۔ ■

Facebook Twitter Google + Share on Whatsapp

میکسیکو کی صدر کا غیر ملکی مداخلت کے خلاف انتباہ

متعلقہ عنوان :

مزید بین الاقوامی خبریں