جیکب آباد،گٹکا سمگلنگ کی بڑی کوشش ناکام، 391 کلو مضر صحت گٹکا برآمد، دو ملزمان گرفتار

جمعہ 8 مئی 2026 18:54

جیکب آباد (اُردو پوائنٹ اخبارتازہ ترین - این این آئی۔ 08 مئی2026ء) جیکب آباد میں گٹکا اسمگلنگ کی بڑی کوشش ناکام، 391 کلو مضر صحت گٹکا برآمد، دو ملزمان گرفتار۔

(جاری ہے)

تفصیلات کے مطابق جیکب آباد کے صدر تھانہ کی پولیس نے کارروائی کرتے ہوئے دو گاڑیوں سے بھاری مقدار میں گٹکا برآمد کرکے دو ملزمان کو گرفتار کرنے کا دعویٰ کیا ہے، پولیس ترجمان کے مطابق خفیہ اطلاع پر انچارج شمبے شاہ پولیس چیک پوسٹ اور حساس ادارے کے اہلکاروں نے مشترکہ کارروائی کرتے ہوئے چیکنگ پوائنٹ پر ناکہ بندی توڑ کر فرار ہونے والی دو مختلف گاڑیوں کا تعاقب کیا اور انہیں بائی پاس پکٹ نمبر 9 کے قریب پکڑ لیا، کارروائی کے دوران ایک گاڑی سے 218 کلو 500 گرام مضر صحت گٹکا جبکہ دوسری گاڑی سے بھی 172 کلو 500 گرام گٹکا برآمد کیا گیا، پولیس نے اسمگلنگ میں ملوث دو ملزمان کوئٹہ کے رہائشی محمد طاہر اور جیکب آباد کے رہائشی شیر محمد مندرانی کو گرفتار کرکے گاڑیاں اور برآمد شدہ گٹکا تحویل میں لے لیا جبکہ ملزمان کے خلاف مقدمہ درج کرلیا گیا ہے۔