معرکہ حق کی تاریخی کامیابی کو ایک سال مکمل ہونے پر وفاقی وزیر او صدر پاکستان مسلم لیگ (ن) خیبرپختونخوا انجینئرامیرمقام مختلف مرکزی تقریبات سے خصوصی خطاب کریں گے

ہفتہ 9 مئی 2026 17:19

اسلام آباد (اُردو پوائنٹ اخبارتازہ ترین - اے پی پی۔ 09 مئی2026ء) معرکہ حق کی تاریخی کامیابی کو ایک سال مکمل ہونے پر وفاقی وزیر اور صدر پاکستان مسلم لیگ (ن) خیبرپختونخوا انجینئرامیرمقام مختلف مرکزی تقریبات سے خصوصی خطاب کریں گے۔یہاں جاری بیان کے مطابق انجینئرامیرمقام 10 مئی بروز اتوار انجینئرامیرمقام لائن آف کنٹرول فتح پور تھکیالہ کوٹلی ، آزاد جموں و کشمیر میں عظیم الشان جشن فتح ریلی اور بڑے جلسہ کی قیادت کریں گے۔

وفاقی وزیر انجینئرامیرمقام کی ہدایت پر 9 اور 10 مئی کو خیبرپختونخوا، آزاد جموں و کشمیر سمیت گلگت بلتستان میں جشنِ فتح / معرکۂ حق کے حوالے سے مختلف تقریبات، ریلیوں اور جلسوں کا انعقاد کیا جا رہا ہے، جن میں پاکستان مسلم لیگ (ن) کی قیادت، کارکنان اور عوام بڑی تعداد میں شرکت کریں گے۔

(جاری ہے)

تقریبات میں غازیوں اور شہداء کو شاندار خراجِ عقیدت پیش کیا جائے گا، جبکہ انجینئرامیرمقام اپنے خطابات میں ملکی سلامتی، قومی قربانیوں، افواجِ پاکستان کی خدمات اور قومی یکجہتی کی اہمیت پر روشنی ڈالیں گے۔

وفاقی وزیر انجینئرامیرمقام کی خصوصی ہدایات پر خیبرپختونخوا، آزاد جموں و کشمیر سمیت گلگت بلتستان میں جشنِ فتح / معرکۂ حق کی کامیابی کے حوالے سے بڑے بڑے فلیکسز اور بینرز آویزاں کیے گئے ہیں، جبکہ مختلف شہروں اور مقامات کو قومی پرچموں سے سجایا گیا ہے۔