Live Updates

ڈونلڈ ٹرمپ رواں ہفتے چین کا دورہ کریں گے، ایران جنگ اور تجارتی تنازعات پر مذاکرات متوقع

پیر 11 مئی 2026 09:04

بیجنگ ، واشنگٹن (اُردو پوائنٹ اخبارتازہ ترین - اے پی پی۔ 11 مئی2026ء) امریکی صدر ڈونلڈ ٹرمپ 13 سے 15 مئی تک چین کا دورہ کریں گے، جس کی پیر کے روز بیجنگ نے تصدیق کی۔رائٹرز کے مطابق توقع ہے کہ امریکی رہنما اپنے چینی ہم منصب کے ساتھ ایران اور تجارت سے متعلق امور پر بات کریں گے۔امریکا اور چین کے درمیان تجارتی محصولات، مشرقِ وسطیٰ کی جنگ، اور تائیوان جیسے اہم معاملات پر اختلافات رہے ہیں۔

چین تائیوان کو اپنا حصہ قرار دیتا ہے۔چینی وزارتِ خارجہ کے ترجمان نے کہا کہ صدرشی جن پنگ کی دعوت پر امریکا کے صدر ڈونلڈ ٹرمپ 13 سے 15 مئی تک چین کا سرکاری دورہ کریں گے۔امریکی حکام کے مطابق، توقع ہے کہ ٹرمپ ایران کے معاملے پرصدر شی سے تبادلہ خیال کریں گے جبکہ تجارتی کشیدگی کم کرنے کی بھی کوشش کریں گے۔

(جاری ہے)

امریکی پرنسپل ڈپٹی پریس سیکریٹری اینا کیلی نے صحافیوں سے گفتگو میں کہا کہ یہ دورہ غیر معمولی علامتی اہمیت کا حامل ہوگا۔

انہوں نے مزید کہاکہ ’ایکن یقیناً صدر ٹرمپ صرف علامتی مقاصد کے لیے سفر نہیں کرتے۔ امریکی عوام توقع کر سکتے ہیں کہ صدر ہمارے ملک کے لیے مزید اچھے معاہدے کریں گے۔صدر ٹرمپ کے دوسرے صدارتی دور میں چین کا پہلا دورہ شاندار تقریبات پر مشتمل ہوگا، جن میں بیجنگ میں ٹیمپل آف ہیون کا دورہ اور ایک پُرتعیش سرکاری ضیافت شامل ہے۔یہ 2017 کے بعد کسی امریکی صدر کا چین کا پہلا دورہ ہوگا۔