پی سی بی امپائرنگ کورس کل سے قذافی سٹیڈیم میں شروع ہوگا

بدھ 13 مئی 2026 19:13

لاہور (اُردو پوائنٹ اخبارتازہ ترین - اے پی پی۔ 13 مئی2026ء) پاکستان کرکٹ بورڈ(پی سی بی )کے زیر اہتمام پی سی بی لیول ٹو امپائرنگ کورس کل (جمعرات سے )قذافی سٹیڈیم لاہور میں شروع ہوگا۔ 4 روزہ کورس14 سے17 مئی تک جاری رہے گا، جس میں پی سی بی لیول ون امپائرنگ کورس کامیابی سے پاس کرنے والے65 امیدوار شرکت کریں گے۔

(جاری ہے)

کورس کے دوران14 سے16 مئی تک امیدوار مختلف تربیتی سیشنز میں حصہ لیں گے، جبکہ17 مئی کو تحریری امتحان اور انٹرویوز لیے جائیں گے۔ کورس کامیابی سے مکمل کرنے والے امیدوار پی سی بی ٹورنامنٹس میں امپائرنگ کے اہل قرار پائیں گے۔آئی سی سی ایلیٹ پینل کے رکن احسن رضا بھی کورس کے ٹیوٹرز میں شامل ہیں، جبکہ آئی سی سی ایمرجنگ پینل کے رکن آصف یعقوب بھی امیدواروں کو تربیت دیں گے۔