Live Updates

امریکہ کا ایران کے ڈرون نیٹ ورک کی معلومات دینے والوں کیلئے کروڑوں ڈالرز انعام کا اعلان

پاسداران انقلاب ڈرون یونٹ کے مالیاتی نیٹ ورکس کے بارے میں ٹھوس معلومات فراہم کرنیوالے 15 ملین ڈالر (تقریباً 4 ارب پاکستانی روپے سے زائد) تک کے انعام کے حقدار ہو سکتے ہیں؛ سوشل میڈیا پوسٹ

ساجد علی جمعہ 15 مئی 2026 12:41

امریکہ کا ایران کے ڈرون نیٹ ورک کی معلومات دینے والوں کیلئے کروڑوں ..

واشنگٹن (اُردو پوائنٹ اخبارتازہ ترین۔ 15 مئی2026ء) امریکی محکمہ خارجہ نے ایران کی پاسدارانِ انقلاب کی قدس فورس کے ڈرون بنانے والے یونٹ سے متعلق معلومات فراہم کرنے والوں کے لیے کروڑوں ڈالرز کے انعامات کا اعلان کر دیا۔ الجزیرہ کے مطابق امریکی محکمہ خارجہ نے ایران کی 'کیمیا پارٹ سیوان کمپنی' کے 6 کلیدی افراد کے بارے میں معلومات دینے پر بھاری انعامات کی پیشکش کی ہے، امریکہ کا کہنا ہے کہ یہ کمپنی پاسدارانِ انقلاب کی قدس فورس کے لیے ڈرونز کی تیاری، جانچ اور سپلائی میں براہِ راست ملوث ہے۔

امریکی محکمہ خارجہ کے قومی سلامتی کے انعامی پروگرام (Rewards for Justice) نے کہا ہے کہ مطلوبہ افراد، ان کے ساتھیوں یا ان کے مالیاتی نیٹ ورکس کے بارے میں ٹھوس معلومات فراہم کرنے والے 15 ملین ڈالر (تقریباً 4 ارب پاکستانی روپے سے زائد) تک کے انعام کے حقدار ہو سکتے ہیں، اس مہم کا بنیادی مقصد پاسدارانِ انقلاب کے ڈرون پروڈکشن یونٹ کو مفلوج کرنا اور ان کی آمدنی کے ذرائع کو روکنا ہے۔

(جاری ہے)

BREAKING: US State Department offers bounties for information on IRGC drone-production unit

🔴 LIVE updates: https://t.co/Gtv5eWQbME pic.twitter.com/w8PBLzy95a
— Al Jazeera Breaking News (@AJENews) May 15, 2026

امریکی حکام کا مؤقف ہے کہ یہ 6 افراد قدس فورس کے ڈرون ونگ میں کلیدی عہدوں پر فائز ہیں اور ڈرونز کی تیاری سے لے کر ان کی ترسیل تک کے مراحل میں اہم کردار ادا کرتے ہیں، امریکی سوشل میڈیا پوسٹ میں عوام سے اپیل کی گئی ہے کہ "پاسدارانِ انقلاب کے ریونیو سٹریم یعنی آمدنی کے سلسلے کو توڑنے میں ہماری مدد کریں"، امریکہ کی جانب سے اس بڑی رقم کی پیشکش کا مقصد ایران کے ڈرون پروگرام کو عالمی سطح پر دباؤ میں لانا ہے، جو امریکہ کے مطابق مشرقِ وسطیٰ اور دیگر تنازعات میں استعمال کیے جا رہے ہیں۔

Help us put a dent in the IRGC’s revenue stream.

Send us a tip on these bad boys, who manage this drone manufacturer. pic.twitter.com/gwt0jyUqfx
— Rewards for Justice (@RFJ_USA) May 14, 2026