محسن نقوی سے امریکی نائب وزیر خارجہ برائے جنوبی و وسطی ایشیائی امور کی ملاقات،پاک امریکا تعلقات ، مشرق وسطیٰ کی تازہ ترین صورتحال پر گفتگو

جمعہ 15 مئی 2026 12:42

اسلام آباد(اُردو پوائنٹ اخبارتازہ ترین - این این آئی۔ 15 مئی2026ء) وفاقی وزیر داخلہ محسن نقوی سے امریکا کے نائب وزیر خارجہ برائے جنوبی و وسطی ایشیائی امور پال کپور نے ملاقات کی، قائم مقام امریکی سفیر نیٹلی بیکر، وزیر مملکت داخلہ طلال چوہدری اور وفاقی سیکرٹری داخلہ بھی اس موقع پر موجود تھے۔ملاقات میں پاک امریکا تعلقات اور مشرق وسطیٰ کی تازہ ترین صورتحال پر گفتگو کی گئی، سیکیورٹی، انسداد دہشت گردی اور انسداد منشیات کے شعبوں میں اشتراک کار بڑھانے پر بھی تبادلہ خیال کیا گیا۔

(جاری ہے)

محسن نقوی نے کہا کہ صدر ٹرمپ کے دور میں پاک امریکا تعلقات مزید مضبوط ہوئے ہیں، پاک امریکا تعلقات باہمی اعتماد اور دوطرفہ تعاون پر مبنی ہیں۔وزیرداخلہ نے کہاکہ ریکوڈک منصوبے پر کام کرنے والی امریکی کمپنیوں کی فول پروف سکیورٹی کو یقینی بنایا گیا ہے، پاکستان اور امریکا کے درمیان براہ راست پروازوں کا جلد آغاز چاہتے ہیں۔محسن نقوی نے کہا کہ مشرق وسطیٰ کے تنازع کے دیرپا اور پٴْرامن حل کے لیے پٴْرامید ہیں، امریکی نائب وزیر خارجہ نے خطے میں امن و استحکام کے لیے پاکستان کے کردار کی تعریف کی۔