پاکستان کی بہادر افواج کو بے توقیر کرنے کی سازشیں کرنے والے اپنے مذموم عزائم میں کبھی کامیاب نہیں ہوں گے،چودھری جعفراقبال

کسی بھی ملک کی فوج اس کے تحفظ کی ضمانت ہوتی ہے اور جو لوگ ملک فوج کو نشانہ بنا رہے ہیں وہ کسی بھی طور محب وطن نہیں ہوسکتے،عشرت اشرف پاکستان کوعدم استحکام کا شکار کرنے والوں نے اداروں پر الزام تراشی کا وطیرہ بنا لیا ، انکی مذموم روش کو ختم کرنے کیلئے اعلیٰ عدلیہ سمیت دیگر متعلقہ اداروں کو اپنا کرداراداکرناہوگا،مسلم لیگی رہنما

اتوار 17 مئی 2026 17:20

اسلام آباد(اُردو پوائنٹ اخبارتازہ ترین - این این آئی۔ 17 مئی2026ء) پاکستان مسلم لیگ(ن)کے سنیئر رہنماو سابق ڈپٹی سیپیکر قومی اسمبلی و سینیٹر چودھری محمد جعفراقبال ورکن صوبائی اسمبلی عشرت اشرف نے اپنے جاری مشترکہ بیان میں کہاہے کہ افواج پاکستان ملکی سلامتی کی ضامن ہے جس نے ہمیشہ پاکستان کے عوام کی ہر مصیبت کے وقت میں اپنی جانوں کی پرواہ کئے بغیر مدد کی چاہے وہ قدرتی آفا ت ہوں یا ملک کو درپیش سیکورٹی مسائل ہوں ہر موقع پر افواج پاکستان کا کردا رنمایاں اور کلیدی رہاہے۔

انہوں نے کہاکہ پاکستان کی بہادر افواج کو بے توقیر کرنے کی سازشیں کرنے والے اپنے مذموم عزائم میں کبھی کامیاب نہیں ہوں گے،پوری پاکستانی قوم پاک فوج کی پشت پر کھڑی ہے،پاکستان کوعدم استحکام کا شکار کرنے والوں نے اداروں پر الزام تراشی کا وطیرہ بنا لیا ہے ان کی اس مذموم روش کو ختم کرنے کیلئے اعلیٰ عدلیہ سمیت دیگر متعلقہ اداروں کو اپنا کرداراداکرناہوگا ۔

(جاری ہے)

مسلم لیگی رہنما چودھری جعفراقبال نے مزید کہاکہ کسی بھی ملک کی فوج اس کے تحفظ کی ضمانت ہوتی ہے اور جو لوگ ملک فوج کو نشانہ بنا رہے ہیں وہ کسی بھی طور محب وطن نہیں ہوسکتے،قومی وعسکری تنصیبات کو نشانہ بنانے اور شہداء کی بے حرمتی کرنے والوں کے کڑے محاسبہ کے بغیر قانون کی حکمرانی کاخواب شرمندہ تعمیر نہیں ہوسکتا۔انہوں نے کہاکہ انصاف کی بالادستی کے ضامن اداروں کو افواج پاکستان کے خلاف سازشیں کرنے والوں کو کیفرکردار تک پہنچانے کیلئے فوری کرداراداکرناہوگا پوری پاکستانی قوم اشتعال پسندوں کا کڑا محاسبہ چاہتی ہے۔