ْفیصل کریم کنڈی نے خیبرپختونخوا کرکٹ لیگ کو نوجوان کرکٹرز کیلئے اہم پلیٹ فارم قرار دیدیا

چیئرمین پی سی بی محسن نقوی محسن نقوی کی بھرپور سپورٹ کی بدولت کے سی ایل ایک کامیاب لیگ ثابت ہوگی ، خطاب

اتوار 17 مئی 2026 19:40

اسلام آباد (اُردو پوائنٹ اخبارتازہ ترین - این این آئی۔ 17 مئی2026ء) گورنر خیبرپختونخوا فیصل کریم کنڈی نے خیبرپختونخوا کرکٹ لیگ کو نوجوان کرکٹرز کیلئے ایک اہم پلیٹ فارم قرار دیتے ہوئے کہا ہے کہ چیئرمین پی سی بی محسن نقوی محسن نقوی کی بھرپور سپورٹ کی بدولت کے سی ایل ایک کامیاب لیگ ثابت ہوگی۔

(جاری ہے)

کے سی ایل کی سافٹ لانچنگ تقریب سے خطاب کرتے ہوئے فیصل کریم کنڈی نے کہا کہ خیبرپختونخوا میں صرف کرکٹ کی نہیں ہر کھیل کا بہت ٹیلنٹ موجود ہے، پی ایس ایل ٹائٹل جیتنے والی پشاور زلمی میں سات کھلاڑی خیبرپختونخوا سے تھے۔

انہوں نے کہا کہ پاکستان کا سافٹ امیج کھیلوں کے زریعے ہی اجاگر کیا جاسکتا ہے،مثبت سرگرمیوں کیلئے گورنر ہائوس کے دروازے ہمیشہ کھلے ہیں۔ سی ای او خیبرپختونخوا چیمپئنز لیگ سہیل احمد کنڈی نے کہا کہ کرکٹ لیگ سے خیبرپختونخوا میں مزید کرکٹ ٹیلنٹ سامنے آے گا اور باصلاحیت کھلاڑیوں کو آگے آنے کے مواقع ملیں گے۔تقریب میں ٹیسٹ کرکٹر یاسر شاہ ، یاسر حمید سمیت دیگر شخصیات نے بھی شرکت کی