Live Updates

ایک صوبے کا نام نواز اور ملک کا نام شریفستان رکھ لیں، رولا ہی مکائیں! ایم پی اے صائمہ کنول کا طنز

ان کے اس طنزیہ بیان پر ایوان میں اپوزیشن اراکین کی جانب سے ڈیسک بجائے گئے اور نعرے بازی کی گئی

Sajid Ali ساجد علی اتوار 21 جون 2026 21:00

ایک صوبے کا نام نواز اور ملک کا نام شریفستان رکھ لیں، رولا ہی مکائیں! ..
لاہور (اُردو پوائنٹ اخبارتازہ ترین۔ 21 جون2026ء) پنجاب اسمبلی کے بجٹ اجلاس کے دوران اس وقت ایوان میں دلچسپ اور گرما گرمی پیدا ہوگئی جب پاکستان تحریکِ انصاف (پی ٹی آئی) کی رکنِ صوبائی اسمبلی صائمہ کنول نے حکمران جماعت کو کڑی تنقید کا نشانہ بناتے ہوئے انوکھا مشورہ دے ڈالا۔ اجلاس کے دوران اظہارِ خیال کرتے ہوئے پی ٹی آئی کی رکن اسمبلی صائمہ کنول کا کہنا تھا کہ "ایک صوبے کا نام نواز رکھ لیں، ایک کا نام شہباز رکھ لیں، ایک کا نام مریم صفدر رکھ لیں اور ایک کا نام حمزہ رکھ لیں، اور ملک کا نام 'شریفستان' رکھ لیں، رولا ہی مکائیں!" ان کے اس طنزیہ بیان پر ایوان میں اپوزیشن اراکین کی جانب سے ڈیسک بجائے گئے اور نعرے بازی کی گئی، جبکہ حکومتی اراکین کی طرف سے اس پر شدید احتجاج اور شور شرابا دیکھنے میں آیا۔

(جاری ہے)

Live بجٹ 27-2026ء سے متعلق تازہ ترین معلومات