Live Updates

ایرانیوں کا آیت اللہ علی خامنہ ای کیلئے جذبات کااظہار دیکھ کر حیران ہوں. ٹرمپ

چاہتے تو جنازے میں موجود تمام افراد کو نشانہ بنا سکتے تھے،ہم نے ایران کی فوج کو مکمل تباہ کر دیا، ہم نے اسے ختم کر دیا.امریکی صدرکی گفتگو

میاں محمد ندیم اتوار 5 جولائی 2026 17:21

ایرانیوں کا آیت اللہ علی خامنہ ای کیلئے جذبات کااظہار دیکھ کر حیران ..

واشنگٹن(اردوپوائنٹ اخبارتازہ ترین-انٹرنیشنل پریس ایجنسی۔05 جولائی ۔2026 ) امریکی صدر ڈونلڈ ٹرمپ نے کہا ہے کہ وہ ایران میں آیت اللہ علی خامنہ ای کے جنازے پر لوگوں کو روتے دیکھ کر اور ان کی سابق سپریم لیڈرسے جذباتی وابستگی دیکھ کر حیران ہیںامریکی نیوز ویب سائٹ ایگزیوس کے صحافی سے گفتگو کرتے ہوئے صدر ٹرمپ نے علی خامنہ ای کی آخری رسومات میں عوام کی بڑی تعداد پر رد عمل دیتے ہوئے کہا کہ عوام کو خامنہ ای کیلئے روتا دیکھ کر حیران ہوں،میں سمجھتا تھا ایرانی ان سے نفرت کرتے ہیں.

(جاری ہے)

امریکی صدر نے کہا کہ اگر وہ چاہتے تو خامنہ ای کے جنازے میں موجود تمام افراد کو نشانہ بنا سکتے تھے لیکن ایسا نہیں کروں گا کیونکہ اس صورت میں مذاکرات کیلئے کوئی فریق باقی نہیں رہے گا علاوہ ازیں امریکی صدر ڈونلڈ ٹرمپ نے امریکا کی 250ویں یومِ آزادی کی تقریبات سے خطاب کرتے ہوئے دعوی کیا ہے کہ امریکا نے ایران کی فوجی صلاحیتوں کو مکمل طور پر تباہ کر دیا ہے. واشنگٹن کے نیشنل مال میں منعقدہ سیلوٹ ٹو امریکا تقریب سے خطاب کرتے ہوئے صدر ٹرمپ نے اپنی خارجہ پالیسی اور حالیہ امریکی اقدامات کا دفاع کیا انہوں نے کہا کہ ہم نے شاندار کامیابیاں حاصل کی ہیں آپ وینزویلا کو دیکھیں، ایران کو دیکھیں، ہم نے اسے ختم کر دیا، ان کی فوج کو تباہ کر دیا امریکی صدر نے اپنے خطاب میں ایران کے خلاف اس دعوے کی مزید تفصیلات فراہم نہیں کیں اور نہ ہی کسی مخصوص فوجی کارروائی کا ذکر کیا.