میاں جلیل احمد شرقپوری کی والدہ سپردِ خاک،تنظیماتِ اہلِ سنت پاکستان کا اظہارِ تعزیت

جمعرات 9 جولائی 2026 22:15

لاہور (اُردو پوائنٹ اخبارتازہ ترین - اے پی پی۔ 09 جولائی2026ء) تنظیماتِ اہلِ سنت پاکستان کے سینئر رہنما،سابق رکنِ قومی اسمبلی اور سجادہ نشین آستانہ عالیہ شرقپور شریف صاحبزادہ پیر میاں جلیل احمد شرقپوری،صاحبزادہ میاں سعید احمد شرقپوری و صاحبزادہ میاں خلیل احمد شرقپوری کی والدہ اور میاں جمیل احمد شرقپوری کی اہلیہ کو سپرد خاک کردیا گیا۔

مرحومہ کی نمازِ جنازہ آستانہ عالیہ شرقپور شریف میں ادا کی گئی جس میں مختلف سیاسی، مذہبی، سماجی، روحانی اور عوامی حلقوں سے تعلق رکھنے والی ممتاز شخصیات سمیت ہزاروں عقیدت مندوں نے شرکت کی۔

(جاری ہے)

تنظیماتِ اہلِ سنت پاکستان کے سربراہ صاحبزادہ سید حامد سعید کاظمی،پیر میاں عبدالخالق القادری، صاحبزادہ ابوالخیر ڈاکٹر محمد زبیر الوری، انجینئر ثروت اعجاز قادری، فیصل قیوم ماگرے، ڈاکٹر مفتی محمد کریم خاں، سید ازہر علی ہمدانی، پیر محمد امین قادری، مفتی گلزار احمد نعیمی، محمد اکرم رضوی،سید احسان گیلانی اور دیگر نے صاحبزادہ پیر میاں جلیل احمد شرقپوری، صاحبزادہ میاں سعید احمد شرقپوری، صاحبزادہ میاں خلیل احمد شرقپوری اور خاندانِ شرقپوری سے دلی تعزیت کا اظہار کرتے ہوئے مرحومہ کی مغفرت، بلندی درجات اور جنت الفردوس میں اعلیٰ مقام کے لیے دعا کی اور کہا کہ اللہ کریم تمام پسماندگان بالخصوص خاندانِ شرقپوری کو یہ صدمہ صبر و استقامت کے ساتھ برداشت کرنے کی توفیق عطا فرمائے۔