استحکام پاکستان پارٹی کے صدر عبدالعلیم خان کا پی ٹی آئی چیئرمین بیرسٹر گوہر خان سے اظہار تعزیت

ہفتہ 8 اگست 2026 14:38

اسلام آباد (اُردو پوائنٹ اخبارتازہ ترین - اے پی پی۔ 08 اگست2026ء) استحکام پاکستان پارٹی کے صدر عبدالعلیم خان نے پی ٹی آئی چیئرمین بیرسٹر گوہر خان سے اظہار تعزیت کرتے ہوئے کہا کہ آپ کی والدہ محترمہ کے انتقال کا سن کر دلی دکھ ہوا۔

(جاری ہے)

وزارت مواصلات کی جانب سے جاری تعزیتی پیغام میں عبدالعلیم خان نے بیرسٹر گوہرخان سےاظہار افسوس کرتے ہوئے کہا کہ والدہ جیسی عظیم نعمت سے محروم ہونے سے بڑا کوئی دکھ نہیں ہو سکتا۔ انہوں نے دعا کی کہ اللہ تعالیٰ بیرسٹر گوہر اور دیگر لواحقین کو صبر جمیل عطا فرمائے۔ وفاقی وزیر نے کہا کہ میں مرحومہ کی مغفرت اور جنت الفردوس میں اعلیٰ مقام کے لئے دعا گو ہوں۔